استراتيجية طريق النجاح الحقيقي

بداية كل عام وانتم بخير جميعا دي اول مرة اكتب موضوع في هذا المنتدي مع العلم اني متابع له منذ فترة طويلة وارجو القراءة لاخر الموضوع اذا فعلا اردت معرفة طريق النجاح الحقيقي ….. بداية انا اسمي كريم من مصر واعمل في الفوركس منذ 4 اعوام تقريبا وللامانة لم احقق اي ارباح تذكر في هذة الفترة لدرجة اوصلتني بان هذا السوق وهما كبيرا وخدعة لسرقة اموال الناس ولكني وبعد عناء توصلت لمفاتيح هامة جدا جدا في سوق الفوركس … نصيحة اولي لجميع الاخوة وخاصة المبتدأين لا تنبهروا بعناوين المواضيع الموجودة بالمنتديات الرائعة كمثال ” استراتيجية المليار – الاستراتيجية التي لا تخسر ابدا – استراتيجية الاحلام -استراتيجية ابو رجل مسلوخة ….. الخ ) مع العلم ان هناك ناس محترمين كثيرون يريدون افادة الناس وغرضهم طيب وهناك من يخدعون الناس بكلام وهمي ولكن هناك حقيقة مؤكدة تماما , من معه استراتيجية نسبة نجاحها 85% او اكثر مستحيل هيقولها لاي حد ودة مش طمع ولا دناوة منه بس لان هي دي قواعد هذا السوق لو الاستراتيجية انتشرت اكتر من اللازم هتفشل وغير كدة وكدة واحد تعب وشقي سنين عشان يوصل لاستراتيجية تجيبله ملايين هيديك تعبه ويكسبك ملايين معاه ليه انا بقول الكلام دة ووالله انا مش طبعي الطمع ولا عدم خدمة الناس بس انا مقتنع بالكلام دة جدا جدا …. الحقيقة عشان مطولش عليكم خلاصة خبرتي في 4 سنين شغل فوركس رغم اني موصلتش لاستراتيجية نسبة نجاحها كما ذكرت في الاعلي ولكن هذا السوق يمكن ان تربح منه ويمكن ان تزيد دخلك منه ولكن اذا دخلت هذا السوق بحلم الثراء السريع اعلم تماما انك حسابك الي الصفر لا محالة مفيش حاجة اسمها ثراء سريع من يربحون من سوق الفوركس علي مستوي العالم 3% فقط ودي احصائية عالمية مش كلامي انا ولكن يمكن ان تحول الفوركس الي مصدر رزق مساعد لك لكي تزيد دخلك الشهري طيب اكيد حد هيسأل احنا استفدنا ايه من كلامك دة اقوله لو قريته وفهمته كويس هتستفيد منه جدا وانا والله ما عايز حاجة غير الافادة فقط لان الفوركس دمر حياة ناس كثيرون واعلم البعض منهم وختاما لكلامي هناك 4 قواعد اساسية في سوق الفوركس اذا تم تطبيقهم بشكل سليم باذن الله ستنجح :
1- لا تعتمد علي المؤشرات فقط فهي جميعها ومليون خط تحت كلمة جميعها تتبع السعر اعتمد عليها ولكن كعامل داعم وليس عامل اساسي اعتمد علي عقلك انت وال price action لا شئ اخر
2- تقسيم راس المال الي 5 كحد ادني وهذا ما يسمي بادارة راس المال الصحيحة
3- الباك تست وهو عامل لا ياخده الكثير في الاعتبار عندما تصنع استراتيجيتك الخاصة يجب ان تقوم بعمل باك تست لها للتاكد من فرصها ونسبة نجاحها وطريقة وضع الستوب لوز بتاعك
4- اخر شئ وبرأيي هو اهم شي هو ضبط النفس وهو شئ لا يفعله معظم متاجرين الفوركس واقصد بضبط النفس بمعني بسيط جدا ادخل السوق عندما تكتمل الفرصة وشروط الدخول امامك ولا تدخل السوق بفرصة وهمية في خيالك او رؤيتك لشكل الشارت وقولك لنفسك متهيالي كويسة مفيش حاجة في السوق اسمها كدة بمعني ادق ادخل عندما تاتي فرصة ولا تصنع بنفسك الفرصة