تعلم تحليل الفوليوم و الاسبريد

[alisharte]

رد: اتعلم تحليل الفوليوم و الاسبريد" اقوى شىء ممكن تشوفه فى المتاجرة و تحليل السوق

عودة محمودة استاذ نادر ..يؤسفني اني لم اتمكن من مواكبة بداية الورشة لكن كلي استعداد على مواكبة العودة المحمودة وكنت دوما على يفين انك لن تخذل جميع متتبعيك ومحبيك ...وجعله الله في ميزان حسناتك..نحبك في الله استاذنا الكبيـــــــــــــــــــــــــــــــــــــــــــر

[henawi]

رد: اتعلم تحليل الفوليوم و الاسبريد" اقوى شىء ممكن تشوفه فى المتاجرة و تحليل السوق

اهلا بعودتك استاذ نادر

انا مش عارف كنت بشتغل ازاى من غير مركز مع فوليومات السوق !!
انا بقالى 3 سنين تريدر ف الفوركس عمرى مركزت مع الفوليوم !!
وكنت بعانى فعلا من مشكله .. ( اشترى وينزل وابيع ويطلع )

لو حضرتك ف مصر .. ياريت نتقابل لانى عيزك تشتغل ف حساباتى ( حسابات كبيره تتعدى 250.000 الف دولار

وياريت نركز الفتره اللى جايه على الشرح الحى للسوق .. والاشكال الشاذه الى ليها نفس المسميات للاشكال العاديه .. مثلا الاستوبنج فوليوم بيجى بأكتر من شكل .. بالاضافه لبعض السلوك العشوائى للميكر

تحياتى ليك

[TradeHunter]

رد: اتعلم تحليل الفوليوم و الاسبريد" اقوى شىء ممكن تشوفه فى المتاجرة و تحليل السوق

شكرا لجميع الأخوة على المشاعر الطيبة و ان شاء الله ننتهى و نشتغل تطبيقات على السوق الحى
اخى حناوى شكرا على كلماتك و من دواعى السرور و الشرف التعاون معك و مافيش مشكلة نتقابل و نتواصل

اما النماذج الشاذه مش بالظبط هى شاذه هى تتبع قانون المجهود و النتيجة
اهم 3 قوانين
السبب و الأثر cause and effect
المجهود و النتيجة effort and result
العرض و الطلب supply and demand

الغرض كله تتبع الفوليوم عند مناطق الدعم و المقاومات ذات الفوليوم العالى و ملاحظة الفوليوم عند الرجوع لهذ المناطق
الفوليوم العالى و الفوليوم المنخفض الاثنين مهمين لكن موقع الشمعه هو الفرق
الفوليوم العالى يعنى وجود انشطة للمحترفين و انشطة يعنى هما مشغولين بيعملوا حاجه اما بيبيعوا او بيشتروا الفوليوم العالى هو بصمات عملهم اللى مش ممكن يخفوها فى الفوركس تظهر على شكل انشطة و ليس احجام و كميات و الأنشطة فى هذه الحالة هى ضغط العمليات فى شكل التيكات

[henawi]

رد: اتعلم تحليل الفوليوم و الاسبريد" اقوى شىء ممكن تشوفه فى المتاجرة و تحليل السوق

مشكور ع المعلومات القيمه دى .. انا اترجم هذه المعلومات الى ما كنت اقابله قبل التعامل مع الفوليوم

ياريت ايميلك علشان ابعتلك موبيلى علشان نتواصل

تحياتى

[صقر الفوركس]

رد: اتعلم تحليل الفوليوم و الاسبريد" اقوى شىء ممكن تشوفه فى المتاجرة و تحليل السوق

اهلا بعودتك اخ نادر

[troyman]

رد: اتعلم تحليل الفوليوم و الاسبريد" اقوى شىء ممكن تشوفه فى المتاجرة و تحليل السوق

اهلا نادر باشااا فى انتظارك وعودا حميدا

[صقر الفوركس]

رد: اتعلم تحليل الفوليوم و الاسبريد" اقوى شىء ممكن تشوفه فى المتاجرة و تحليل السوق

السلام عليكم اخوانى

عندى لكم مفاجأة .... الفيديو الجديد تحت الاصدار اما الرفع فا مافيش مشكلة هارفع بعد عمل الفيديو سيكون صباحا ان شاء الله الرفع

نستكمل العمل الذى توقفنا عنده
قرأت بعض المشاركات على ترجمة الكتاب ... فى بعض الأجزاء من الكتب كلها و الكتب كلها عندى حتى كتب جافن هولمز الخاصة بالاشارات

هاعمل فيديو مراجعه او 2 فيديو مراجعه ارجو من الجميع انهم يركزوا فى فيديوهات المراجعه
و اتمنى من الأخوة عدم التركيز بقوة على فقط شكل النماذج المطلوب التطبيق بالعقل

نحن بشوق كبير لاكمال موضوعاتك اخي نادر

[henawi]

رد: اتعلم تحليل الفوليوم و الاسبريد" اقوى شىء ممكن تشوفه فى المتاجرة و تحليل السوق

عندى اقتراح .. حضرتك تشرح لنا اون لاين صوت وصوره عشان الاستفاده تكون افضل

الشرح من الغرف المجانيه على موقع http://www.wiziq.com

ونبتدى ندخل مع فتره اوروبا او امريكا ونحلل ونعرف تحركات السوق والاتجاهات

ولو حتى يكون فى ميعاد ثابت للتطبيقات العمليه الحيه .. ربع ساعه كل يوم فى ميعاد ممكن تحددو مسبقا .. دا بجانب الشرح الجديد وفيديوهاتك الرائعه

تحياتى
ياريت ايميلك يا فندم

[daisy]

رد: اتعلم تحليل الفوليوم و الاسبريد" اقوى شىء ممكن تشوفه فى المتاجرة و تحليل السوق

موضوع جميل
متابعه بس انا لسه بقرأ من اول الصفحات

[islam4ever]

رد: اتعلم تحليل الفوليوم و الاسبريد" اقوى شىء ممكن تشوفه فى المتاجرة و تحليل السوق

اهلا استاذ نااااااااااااااااااااادر في انتظاااااااارك

[imaddima]

رد: اتعلم تحليل الفوليوم و الاسبريد" اقوى شىء ممكن تشوفه فى المتاجرة و تحليل السوق

welcome back master Nader we've been waiting for u for a long time, finally we can get back to work, we missed u brother

[Investcorp]

رد: اتعلم تحليل الفوليوم و الاسبريد" اقوى شىء ممكن تشوفه فى المتاجرة و تحليل السوق

السلام عليكم
انا مهتم جدا بموضوع الفوليوم واخيرا لقيت شرح ليه

شكرا جدا واتمني ان تقبلوني فى جروبكم

شكرا

[TradeHunter]

رد: اتعلم تحليل الفوليوم و الاسبريد" اقوى شىء ممكن تشوفه فى المتاجرة و تحليل السوق

عندى اقتراح .. حضرتك تشرح لنا اون لاين صوت وصوره عشان الاستفاده تكون افضل

الشرح من الغرف المجانيه على موقع http://www.wiziq.com

ونبتدى ندخل مع فتره اوروبا او امريكا ونحلل ونعرف تحركات السوق والاتجاهات

ولو حتى يكون فى ميعاد ثابت للتطبيقات العمليه الحيه .. ربع ساعه كل يوم فى ميعاد ممكن تحددو مسبقا .. دا بجانب الشرح الجديد وفيديوهاتك الرائعه

تحياتى
ياريت ايميلك يا فندم

مرحبا بكل الأخوة و انا سعيد للرجوع الى العمل مره اخرى

الأخ حناوى شكرا على الموقع اعتقد كدا الأمور هاتتسهل على كل الناس و دا ممتاز جدا هابدأ اتعرف على الموقع و اشوف امكانياته علشان نبدأ نعمل الجدول الزمنى للحصص ممتاز

اما بالنسبة للميل

تم حذفة من قبل الادارة

فى انتظارك

حاليا بحضر 2 فيديو المراجعة بس بجمع النقاط كلها علشان الارتجال ممكن انسى معلومة فا بعمل تحضير و بسجل على مراحل و ان شاء الله على يوم الأحد يكون الفيديوهات مرفوعة

شكرا لكل الأخوة الأحباب على التواصل مع الورشة و اسف انى اخرتكم بس انا وعدت انى اكمل الموضوع و يصبح متواصل دائما فى ورشة التطيبق العملى

[TradeHunter]

رد: اتعلم تحليل الفوليوم و الاسبريد" اقوى شىء ممكن تشوفه فى المتاجرة و تحليل السوق

تم عمل مدة 30 يوم طبعا لأنه بفلوس
هانعمل اول حصة او كلاس و انظم الوقت و اقول على معاد الكلاس و نشو الناس فاضية امتى

[daisy]

رد: اتعلم تحليل الفوليوم و الاسبريد" اقوى شىء ممكن تشوفه فى المتاجرة و تحليل السوق

السلام عليكم
انا لسه فى تالت درس
وطبعا الموضوع مش قادره اصبر على مانتهى وابدء استخدمه
خاصة ان الموضوع كبير
فانا قدرت اوصل لطريقة عمل بيه اتمنى تعرفنى اذا كانت صح او لا
على ماكمل باقى الدروس يعنى

دلوقتى انا فى التحليل الاخبارى مثلا
بييجى خبر يحرك السوق فى اتجاه معين بشكل قوى
وبعد انتهاء تاثير الخبر لو مفيش دعم او مقاومه قويه
او خبر اخر ليه تاثير مضاد
بيفضل السعر فى نفس اتجاه تاثير الخبر بس بحركه بطيئه


حاليا انا شايفه ان لما بييجى الترا فوليوم مثلا بيحرك السوق فى اتجاه بشكل قوى
يعنى المتداولين المحترفين لما بيدخلوا عند سعر معين ويحركوا السوق منه مثلا لاسفل
حتى بعد خروج المتداولين دول
او هدوء الفوليوم ورجوعه لميستويات عاديه
بيستمر نفس الاتجاه لكام بار بعده اتنين او تلاته او اربعه على حسب
بس بشكل ابطأ

فانا طريقة عملى انى بعد ظهور بار الالترا فوليوم باخد صفقه بنفس اتجاهه
ومش بستخدم تيك بروفيت
بستخدم تريلنج استوب

هل الطريقه كدا كويسه
الى الان لحد ماكمل باقى الدروس

ولا فيه شئ انا فاهماه غلط ؟