معقول الكلام ده ياعم الحج
ده عبيط ده ولا ايه (اللمبى)
صبركم عليا بس انا اولكم
خسرت فى الفوركس كل ما املك ومش بس كده واتدينت كمان
امال ليه بتقول كده يا مفلس مان
ههههههه
هقولكم ليه
لانى شايف فعلا ان الفوركس اسهل حاجة فى الدنيا
بس
احنا اللى بنصعبها على نفسنا
تخيل معى انك بتدرس فى مدرسة وانت دلوقتى فى الصف الخامس الابتدائى
ينفع تأخذ امتحان من اول يوم او حتى من اول شهر
لا طبعاً لازم تمتحن اخر السنة
طب دلوقتى الامتحان وقته حان ولم تذاكر يا شاطر
يبقى هتنجح
ممكن بس فى حالة واحدة
انك تغش
بس هل هتعرف تغش طول عمرك
اكيد لا هتيجى يوم ومش هتعرف تغش وهتسقت يا معلم
هو ده الفوركس بالظبط
ازاى بقى
انت فى بداية العام الدراسى بتكون فى بداية دخولك فى الفوركس
ومينفعش تمتحن من اول اسبوع او شهر وكذلك الفوركس مينفعش تفتح حساب وتتاجر وانت مش متعلم اى شيئ فى الفوركس
طب واخر السنة لما تمتحن وتفشل
ده فى الفوركس ان تفضل فترة طويله فى الفوركس بس مش بتحاول تتعلم مجرد مشاهد ومتابع للتوصيات
طب انت دلوقتى قلت الامتحان وقته حان ولم تذاكر وممكن تنجح بس فى حالة انك تغش
تفسرها ازاى دى فى الفوركس
هقولك ياباشا
التوصيات او الاكسبرتات
ممكن تنجحك وتعملك ربح كويس بس برده مش دايما التوصيات هتكون موجوده علطول ومش ممكن تكون ناجة علطول
كذلك الاكسبرت ممكن برده ينجحك بس مش دايما هيكون معاك
يبقى ايه الحل
حيرتنا ياعم
لا حيرة ولا شئ
الموضوع بكل بساطة اتعلم ثم اتعلم ثم اتعلم ثم امتحن ثم تحقق النجاح بأذن الله
هقولكم على حاجة جميله
عندك حساب ب 1000 دولار
ومذاكر استراتيجية كويس ومطبق على الديموا وكله تمام
واستراتجيتك بتقول بدخل على صفقة واحده بهدف يومى 20 نقطة واستوب 20 نقطة
تخيل معى مع مذاكرة الاستراتيجية ونجاحها معاك على الديموا
هتعملك كام فى الشهر
20 X20
يبقوا كام 400 دولار فى الشهر
طب ياسيدى عشان شغلك على الحقيقى مش زى الديموا وهتحقق 10 صفقات بس مش 20
يبقى كام 200 دولار
عارف 400 دولار يعنى كام
يعنى 40% من الحساب
و200دولار
يبقى 20% من الحساب
هل تعتقد ان فيه شركة ادارة حسابات او توصيات بتعطى اكثر من هذه النسبة
لو اعتقدت ذلك يبقى اسمحلى متزعلش منى تبقى عبيط
سورى فى اللفظ بس لازم افوقك
يبقى المكسب فيه اسهل منه ولا لا يا حبيب قلبى
ولو حسابك 2000 يبقى 800 او 400
يبقى الموضوع سهل ولا صعب
بس بشرط
تتعلم كويس
يبقى الخطة كالتاتى
اولا : هتعلم استراتيجية بهدف واستوب واحسب خسارتى قبل هدفى
واهم شئ انها استراتيجية تناسب ظروفى
يعنى فيه واحد يشتغل على شمعة الساعة 10 لان ظروفه لاتسمح له العمل فى اوقات اخرى
واخر يعمل باستراتيجية الهاى واللو لانه بيكون فى الشغل طول النهار فيبعلق الصفقات وينام
واخر بيعمل بإستراتيجية ضع توصياتك بنفسك لانه ممكن يتابع كل ساعة او اربع ساعات
وكلها ممكن تكون ناجحه لكل شخص تتوفر له ظروف العمل بإستراتجيتة
وممكن تكون احدهما ناجحة جدا لدى شخص وفاشلة جدا لشخص اخر
حسب ظروف كل شخص
ثانيا :هطبق على الديموا فترة الى ان اصل لمرادى
واكون تمام فى اسلوب عملى واطور كمان على قدر المستطاع حتى اصل الى افضل النتائج
ثالثا : هفتح الحساب وهتوكل على الله وهطبق على الحقيقى
رابعا : مش هتهور لو خسرت صفقة ولا اثنين ولا اكثر ورا بعض
هركز فى الاستراتيجية اللى اتعلمتها واللى طبقتها على الديموا واستمر فى عملى وبإدارة جيده لرأس مالى هشوف احلى ربح نهاية الشهر بأذن الله
واهم من ده كله
انى منساش علاقتى بربى ومنساش صلاتى وعبادتى لله عز وجل
وازكى عن ربحى عشان ربنا يكرمنى
ومتنساش تدعى لاخوك سمسم الفقير الى الله
الف شكر يا احلى اعضاء واحلى منتدى
واسف على الاطالة
سلام عليكم
تعليق