اهداف جنوبية مرصودة للمجنون بإذن الله 205.94 ـــ 199.80 ـــ 197.88 ــ 192.46

[salman_al]

رد: اهداف جنوبية مرصودة للمجنون بإذن الله 205.94 ـــ 199.80 ـــ 197.88 ــ 192

ماقلت لك غشيم وولد فقر وطاح بعيشه وخبيزات ؟! سراحة كبست الماوس وخليته يهل من هالضمانات لين قفلت لي ابو كم قرش يعني شغل طجمه وطقها والحقها لا تدقق الله يهديك فضحتنا مسوي فيها عند المدام هامور ومضارب؟!

دلني الله يدلك واللي تقوله بسويه لو اروح حراج النسيم واقبل القعيـّه والهايلقس واشتريها فيها حبال شعر حقت السقايل لهالمهبول

يالبا قليبك يابو خالد وربي اني حبيت ذوقك واخلاقك بين عليك ونيس ووسيع صدر مثلي بسم الله علي

119،49 ضنك يفــّك عقاله منها ويطلع بعد هالمهبول؟! أو أبيع عفش البيت وامشي اموري في عباره لين نجيب راسه

[ابووخالد]

رد: اهداف جنوبية مرصودة للمجنون بإذن الله 205.94 ـــ 199.80 ـــ 197.88 ــ 192

119،49 ضنك يفــّك عقاله منها ويطلع بعد هالمهبول؟! أو أبيع عفش البيت وامشي اموري في عباره لين نجيب راسه

ههههههههههههههههه تصدق مشاركتك اللي في الاقتباس اول مرة اشوفها..المهم الهايلقس تجود فيها بيديك واسنانك يمكن ماينفعك الا هي

وبعدين ياخي لفيت الشارتات كلها ادور لرقم 119.49 او حواليه مالقيت..لاتكون شغال على شارت الاسهم السعودية :dft010:

[salman_al]

رد: اهداف جنوبية مرصودة للمجنون بإذن الله 205.94 ـــ 199.80 ـــ 197.88 ــ 192

ابو خالد والله وربي ارص في هالدراهم وبس صدقني لأن كل الرسومات اللي عندي ادور له شارت مدري خطوط لجم وقمع لهالمهبول مالقيت شيئ ثابت ويتكل عليه _ حلوه ثابت ويتكل عليه ذي _ المهم انت عطني الاستوب اللي يركب على دمجة هالمهبول وما يوديني شهار لاعدمتك تراي حاط له شيئ وشويات ولا تقولي سوق وما سوق خابر ان الخساره وارده ويارجال خسرنا لين قلنا بس والمكسب وراس المال وربي مثلك وشرواك

في انتظار هالاستوب اللي ماهو راضي حتى يجي معك؟!

[salman_al]

رد: اهداف جنوبية مرصودة للمجنون بإذن الله 205.94 ـــ 199.80 ـــ 197.88 ــ 192

هذا المفروض يسمونه الفتق موب المهبول عنبو داره تقول ذيب مضيع جحره يقنب ورايح جاي مفلووت تكفى يابو خالد عطني الاستوب الامن لو من هنا لأمريكا بحط له متاريس وبوارديه معهم ام خمس

[salman_al]

رد: اهداف جنوبية مرصودة للمجنون بإذن الله 205.94 ـــ 199.80 ـــ 197.88 ــ 192

مع زقزقة شموس الرياض واشراق العصافير في ليلة من أجمل الليالي الصباحية بزغ قمر صبح جديد في ليلة من اجمل الليالي الصباحية ليكون موعد ولادة هبوط الين باشا وفقاً لتوصية " الدختور " كاش يو.

وهانحن في حزة مسيان ننتظر خطيب جارتنا ام سالم المختار " ابا خالد " ليحلل لنا وضعية " الفتق " gbp/jpy لكي يعطينا وضعية " دبجته " من أعالي الجبال على رأسه " فاقداً للوعي " ما يصحى الا عند النقطه 192.46 .

معلمنا ومختارنا وخطيب جارتنا...

مساء الفل أو صباح التين ، ما ودك تشيك على مهبولنا في عنبر 9 بالجناح الشرقي من مستشفى الامراض العملاتية لنعرف متى بينط من البلكونه لجل نتحراه لأن فيه كام مهبول مواعدينا بينطون هالإسبوع لا عدمناك .

تحياتي لشخصك الكريم ياخطيب خالتي

[ابووخالد]

رد: اهداف جنوبية مرصودة للمجنون بإذن الله 205.94 ـــ 199.80 ـــ 197.88 ــ 192

مع زقزقة شموس الرياض واشراق العصافير في ليلة من أجمل الليالي الصباحية بزغ قمر صبح جديد في ليلة من اجمل الليالي الصباحية ليكون موعد ولادة هبوط الين باشا وفقاً لتوصية " الدختور " كاش يو.

وهانحن في حزة مسيان ننتظر خطيب جارتنا ام سالم المختار " ابا خالد " ليحلل لنا وضعية " الفتق " gbp/jpy لكي يعطينا وضعية " دبجته " من أعالي الجبال على رأسه " فاقداً للوعي " ما يصحى الا عند النقطه 192.46 .

معلمنا ومختارنا وخطيب جارتنا...

مساء الفل أو صباح التين ، ما ودك تشيك على مهبولنا في عنبر 9 بالجناح الشرقي من مستشفى الامراض العملاتية لنعرف متى بينط من البلكونه لجل نتحراه لأن فيه كام مهبول مواعدينا بينطون هالإسبوع لا عدمناك .

تحياتي لشخصك الكريم ياخطيب خالتي

ههههههههههههه ياهلا وغلا بالنسيب الغالي....بس كل الكلام كوم..وزقزقة شمس الرياض كوم:dft010:

الرجال زرناه في العنبر وتقهوينا معه..تسنه عقل بس يقولون انه عاقل ال بومره اللي كان مكتف

واخذنا منه وعد..يقول بإذن الله ناوي يطمر مع الشباك من الدور الخامس ولا قدامه الا بلاط المدخل الرئيسي لشهار

المهم اعطوه فرصة الرجال مخدرينه بكم ابرة .. بس ينتهي مفعولها ويجيك مطبح بحول الله

تحياتي لك

[salman_al]

رد: اهداف جنوبية مرصودة للمجنون بإذن الله 205.94 ـــ 199.80 ـــ 197.88 ــ 192

تكفى تمقل بالمهبول صار له نازل اكثر من 70 درجه لا يطمبح ما درينا عنه وينكسر رويسه يابو خالد

[ابووخالد]

رد: اهداف جنوبية مرصودة للمجنون بإذن الله 205.94 ـــ 199.80 ـــ 197.88 ــ 192

تكفى تمقل بالمهبول صار له نازل اكثر من 70 درجه لا يطمبح ما درينا عنه وينكسر رويسه يابو خالد

اتركوه ينزل على مهله

ولا تعلمونه انكم راكبين معه تراه بيشلع بكم فوق :dft010:

بالنسبة لي ملبد(ن) تحت الكرسي بعد ما ملطت ظهري بفكس :013:

[مراقب المجنون]

رد: اهداف جنوبية مرصودة للمجنون بإذن الله 205.94 ـــ 199.80 ـــ 197.88 ــ 192

\\\\\UP/////

[حمادة ماجد]

رد: اهداف جنوبية مرصودة للمجنون بإذن الله 205.94 ـــ 199.80 ـــ 197.88 ــ 192

وينك يا مختار لعل المانع خير يا طيب والله اشتقنالك

يا رب تكون بخير بس تقلان علينا

اتقل براحتك بس ما يكون صابك مكروه لا قدر الله

طمنا يا طيب

[salman_al]

رد: اهداف جنوبية مرصودة للمجنون بإذن الله 205.94 ـــ 199.80 ـــ 197.88 ــ 192

كل يوم عن يوم تُثبت بأنك صاحب رؤية ثاقبه يا اباخالد

بإستعراضي لمواضيعك أجد أنني أقراء لإسطورة لا يمكن أن تتكرر بعالم الفوركس ولا يهون بقية اخواني

فأسأله سبحانه أن تكون بخير وصحه وسلامه وأن تطمنا عليك