تعلم الفوركس - دورة تعليمية شاملة - " Bony 2 "

[Ahmed Hosafy]

رد: تعلم الفوركس - دورة تعليمية شاملة - " Bony 2 "

الله يجازيك كل خير على كل حرف كتبته فى هذا الموضوع
مجهود واضح جعله الله فى ميزان حسناتك

ربنا يسمع و يتقبل منك يارب العالمين

[Ahmed Hosafy]

رد: تعلم الفوركس - دورة تعليمية شاملة - " Bony 2 "

تنبيه بس نسيت اذكره فى المشاركات السابقة

* الترند الصاعد بيرسم على القيعان فقط و ليس القمم .
* الترند الهابط يرسم على القمم فقط و ليس القيعان .

ناخد بقى أمثلة بين الرسم الصح و الخطأ و نوضح ايه الاسباب

الحالة الأولي

الخطأ



السبب : الترند يجب رسمه بداية من الموجة الهابطة فى حالة الترند الهابط طبعا و العكس صحيح فى الترند الصاعد يجب رسمه بداية من الموجة الصاعدة و ذلك حتى يكون أكثر دقة و قوة .

الصحيحة



الحالة الثانية


الخطأ



السبب : الترند يجب أن لا يلمس جسم الشمعة و لكن فى الصورة الترند مرسوم على جسم الشموع

الصحيحة



الحالة الثالثة

الخطأ



السبب : الترند يجب ان يرتكز على قمتين أو اكثر فى حالة الصعود و على قاعين أو أكثر فى حالة الهوبط و ليس الأرتكاز على قمة واحدة فقط

الصحيحة



أتمنى اكون وفقت فى التوضيح

[Ahmed Hosafy]

رد: تعلم الفوركس - دورة تعليمية شاملة - " Bony 2 "

دول موضوعين مهمين فى الترندات للاستفادة منهم

أول موضوع ده ورشة للترند المكسور و الفرص اللى تمت و تكوينها ازاى و ده علشان نشوف رسم الترند و الفرص بتاعته

ورشة الترند المكسور على الطريقة اليابانية



الموضوع الثاني و ده استراتجية الترند المكسور بالمؤشرات و التمبلت الخاص بها




استراتيجية الترند المكسور بأضافات المصري معاها ارباحك مضمونه بأذن الله حصريا

[أيمن محمود]

رد: تعلم الفوركس - دورة تعليمية شاملة - " Bony 2 "

عزيزي bony

شكراً علي المجهود الممتاز و مؤشرات الشموع أكثر من رائعه

[Ahmed Hosafy]

رد: تعلم الفوركس - دورة تعليمية شاملة - " Bony 2 "

عزيزي bony

شكراً علي المجهود الممتاز و مؤشرات الشموع أكثر من رائعه

يا حبيبى ربنا يخليك و الحمد لله انهم عجبوك فعلا ، و ان شاء الله تابع الموضوع هيبقى لسة فى حاجات بشرح جديد و حاجات أحلى باذن الله

[Ahmed Hosafy]

رد: تعلم الفوركس - دورة تعليمية شاملة - " Bony 2 "

ثانياً: القناة السعرية Channels


ده مكان الأداة و شكلها على الميتا تريدر




هندخل على طول فى أنواع القناة

أولا : القناة الصاعدة و ده بيكون شكلها على الشارت كده و ده بتبين ان الاتجاه فى حالة صعود







ثانياَ : القناة الهابطة و ده بيكون شكلها على الشارت كده و ده بتبين ان الأتجاه فى حالة هبوط







ثالثاَ : و هى القناة المحصورة أو المتذبذبة يعنى فى شكل عرضى لا هي هبوط و لا صعود


- - - - - - - - -

ماهو استخدام القنوات السعرية

( فى حالة وصول السعر للخط السفلي فى القناة الصاعدة فبتستعمل كمناطق الشراء ، و العكس صحيح لما يوصل السعر للخط الأعلي للقناة الهابطة فبتستعمل كمانطق للبيع )


- - - - - - - - - -

كيفية رسم القنوات السعرية

مش هنحتاج نتعب فيها و لاحاجة فيه مؤشرات بتسهل رسمها و تحطها على الشارت و انا ارفقت أكثر من مؤشر لرسمها

[Ahmed Hosafy]

رد: تعلم الفوركس - دورة تعليمية شاملة - " Bony 2 "

سيتم استكمال الشرح

[Ahmed Hosafy]

رد: تعلم الفوركس - دورة تعليمية شاملة - " Bony 2 "

أخر حاجة فى القناة السعرية

ان القناة السعرية بتختلف باختلاف الفريمات بمعنى ان القناة على فريم الساعة مختلفة عن فريم 4 ساعات و فريم اليوم ناخد أمثلة و نشوف

فريم الساعة



و نلاحظ ان القناة السعرية على فريم الساعة هابطة نشوف بقى فريم أكبر

فريم 4 ساعات



نلاحظ هنا ان السعر متذبذب و محصور نشوف الفريم الأكبر

فريم اليوم



و نلاحظ هنا أن القناة صاعدة

و ده مش على القناة السعرية بس لا ده على الترندات ايضا و العمليات و الاهداف بمعنى ان كل فريم له اتجاه وحتى كل فريم له عدد نقاط فى الاهداف اللى بنحطها أثناء العمليات

[Ahmed Hosafy]

رد: تعلم الفوركس - دورة تعليمية شاملة - " Bony 2 "

ثالثاَ : مستويات الدعم و المقاومة



هشرحها بطريقة جديدة بمؤشراتها و مؤشرات حلوة قوى بصراحة هتريح اى حد من اى غير اى تعب و هتسهل الشرح لاقصى ما يمكن

نشوف الآول ايه مفهوم الدعم و المقاومة :

الدعم : بطريقة سهلة و مبسطة ان ده أقل مستوى وصله السعر و انه بيرد ده منه لاعلى وانه بيبقى مناطق لعملية الشراء لارتداد السعر منه لاعلي

المقاومة : و هو اعلى مستوى وصل إليه السعر و انه بيرد منه لاقل و انه بيبقى مناطق لعملية البيع لارتداد السعر لاسفل

* طبعا ليس من الضرور انه يرد السعر من الدعم أو المقاومة دايما ، بالعكس ساعات بيحصل كسر للمقاومة او للدعم و بيكون السعر اماكن للدعم و المقاومة جديدة

فده معناه انها مش مناطق ثابتة لا ابدا ديه متغيرة بس انا هسهلها و هخليك تعرفها بدون اى تعب ان شاء الله

نتابع الشرح

نشوف بقى شكل الدعوم و المقاومات على الشارت بتبقى ازاى



الأسهم الخضراء : أماكن الدعوم

الأسم الحمراء : أماكن المقاومات

[Ahmed Hosafy]

رد: تعلم الفوركس - دورة تعليمية شاملة - " Bony 2 "

دلوقتى بعد ما شرحنا و شوفنا اعتقد انها سهلة و مش محتاجة شرح أكثر من اللازم علشان ما يحصلش تشتيت

بعد كل ده طيب ازاى بقى هنعرف المقاومات و الدعوم ، هنرسم بادينا و نقعد نشوف مثلا : اكيد لا ، طيب هنقعد نحسبها بايدينا يدوي و نحطها على الشارت : اكيد بردوة لا

الأول قبل ما أكمل الشرح لازم نشوف الرموز ديه و معاناها و نحفظها كويس لانها مهمة


S1 تعنى نقطة الدعم الاولى

S2 تعنى نقطة الدعم الثانية

S3 تعنى نقطة الدعم الثالثة

PP نقطة المحور ما بين نقاط الدعم ونقاط المقاومة

R1 نقطة المقاومة الاولى

R2 نقطة المقاومة الثانية

R3 نقطة المقاومة الثالثة

انا عارف انه ممكن يحصل لخبطة فهدخل على الشرح على طول
- - - - - -

احنا هانستخدم مؤشرات و هى هتسهلنا كل حاجة بالارقام و مكانها من غير ما نعمل اى حاجة نشوف ازاى

المؤشرات هتبقى موجودة فى اخر مشاركة لشرح المؤشر الثالث

نأخد أول مؤشر

KG Support and Resistance

ده عن طريقه هنقدر نعرف الدعم و المقاومة على فريم الساعة و ال 4 ساعات و اليومي هنشوف ازاى

نشوف شكل الشارت علشان نفهم



الخطوط الخضراء : الدعوم و المقاومات لفريم الساعة
الخطوط الزرقاء : الدعوم و المقاومات لفريم 4 ساعات
الخطوط الحمراء الدعوم و المقاومات لفريم اليومي

و نشوف بعنينا أول صورة كان فيها التلات فريمات و ده لاننا كنا على فريم الساعة طيب نشوف الفريمات الأكبر

فريم 4 ساعات



هنلاحظ ان الخطوط الخضراء اختفت و ده لاننا فتحت فريم الاربع ساعات فيظهر لينا دعوم و مقاومات 4 ساعات و اليومي فقط طيب نشوف بقى الفريم الأكبر

فريم اليومي



هنلاحظ بقى ان الخطوط الخضراء و الزرقاء اختفت و اتبقى الحمراء بس

و بكده نكون خلصنا اول مؤشر

[Ahmed Hosafy]

رد: تعلم الفوركس - دورة تعليمية شاملة - " Bony 2 "

ندخل بقى على تانى مؤشر

arabicbroker - DailyPivots

( المؤشر موجود و انا استعنت بيه من استراتجية cashu2011 )

ده بقى من اسهل ما يكون و نشوف الشارت و هنلاقيه شارح نفسه



هنشوف ان على اليمين فوق باين اسعار الدعوم و المقاومات و كمان محطوطة قدامنا على الشارت بمستويات مرتبة نفس الترتيب اللى على اليمين بس أهم حاجة و زى ماقولت نحفظ الرموز ديه


S1 تعنى نقطة الدعم الاولى

S2 تعنى نقطة الدعم الثانية

S3 تعنى نقطة الدعم الثالثة

PP نقطة المحور ما بين نقاط الدعم ونقاط المقاومة

R1 نقطة المقاومة الاولى

R2 نقطة المقاومة الثانية

R3 نقطة المقاومة الثالثة

و بكده نبقى خلصنا تانى مؤشر

[Ahmed Hosafy]

رد: تعلم الفوركس - دورة تعليمية شاملة - " Bony 2 "

نشوف بقى ثالث و أخر مؤشر معانا

Fibonacci Pivots

و بردوة هنلاقيه اسهل مما يمكن و نشوف الشارت مع بعض



اعتقد الشارت واضح و كل حاجة و اضحة و ان الرموز اللى قولت عليها فوق نحفظها كويس هى اختصار الكلمات اللى على الخطوط فى الشارت

و بكده نبقى خلصنا 3 مؤشرات و تم رفعهم فى المرفقات

[Ahmed Hosafy]

رد: تعلم الفوركس - دورة تعليمية شاملة - " Bony 2 "

زى ما هنتعود كل حاجة هتتشرح لو ليها مواضيع مهمة و مفيدة موجودة فى المنتدى انا بحطها علشان يبقى ليها متابعة و نستفيد منها

الموضوع الأول

نقاط الدعم والمقاومة يوميا ( محدثه يوميا )



- - - - - - - - - - - - -

الموضوع الثاني

نقاط الدعم و المقاومة لـ ( الذهب ، الفضة ، البترول ) . . . ( يـــومـــيـــاَ )

[MR.JPY]

رد: تعلم الفوركس - دورة تعليمية شاملة - " Bony 2 "

ما شاء الله
موضوع مميز و مفيد جدا
بالتوفيق

[almsre]

رد: تعلم الفوركس - دورة تعليمية شاملة - " Bony 2 "

اعجبني للغاية اسلوبك في الشرح و التوضيح
رائع جدا

استمر يا غالي و متابع معك