سر لكل مبتدئ في سوق العملات

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • سر لكل مبتدئ في سوق العملات

    اولا انا اول مبتدىء فيكم
    ياسيدى لايوجد سر يقول للسوق يمين يمين شمال شمال السوق اكبر من كده بكتير قوى
    طيب لما مفيش سر ليه بنخسر مع اننا مذاكرين كويس خطوط الترند والدعم والمقاومه والموشرات والاستراتيجيات بتاعة صفحتين و10 صفحات
    هاقولك انت اللى بتخسر نفسك بنفسك لانك حاطط نفسك فى حوض السمك وسهل قوى يتم صيدك وكمان معندكش حيله غير القوالب الجبس اللى بقالها الف سنه جائت لنا من الغرب وما زلنا عايشين عليها احنا اصلا شعب بيعشق القديم دايما ويخاف من الجديد يعنى احنا فى عصر مركبات الفضاء وما زلنا مصرين نركب فيات 128 ونقول هانوصل بيها دى جميله قوى وياريت حتى نفكر نطور المحرك بتاعها ولا حتى نطور اى حاجه فيها لا برده ما زلنا مستنين الخواجه هو اللى يطور وبعدها نبقى احنا رقم 2 دايما بل رقم 100000000000000000000000000
    وكمان اضف الى عيوبك انك طماع وبتجازف يعنى ياريتك عارف حدود نفسك وانك لسه مطورتش حاجه وبالتالى تمشى على قدك لا ده انت بتركب 28 وتمسك بايدك فى نفاثه لانك عايز تمشى بسرعتها وفجاة تسيبك لانها مش بتاعتك فتتصادم وعربيتك تتكسرر
    يعنى لو ماشى على قدك هاتلاقى اصلا السوق متذبذب بطبيعته وهاتكسب بدل ما تخسر لانك اصلا بتخسر راس مالى فى نطاق تذبذب 200 بيب والسعر رايح جاى فيهم مثلا
    طيب امال الناس اللى بتقول عرفنا السرررررررررررر الكبيرررررررررررر اقولك ببساطه السر ده عباره عن ايه والناس دى وصلت اذاى
    الناس ديه ناس مرت بما تمر به انت ولكنها ادركت ان القوالب الجبس لم تعد تصلح لهذا العصر فقرروا ان يخرجوا متمردين عليها فجلسوا امام الشارت شهور وسنوات ليل نهار يتابعون من استاذهم اللى هو السعر خير معلم فتخطر لهم خواطر فيطبقوها فتخطىء فالفرض الاخر والتجربه والفشل فالفرض العاشر والتجربه والفشل وهكذا وهكذا وهكذا الى ان يصلوا الى فرض يحقق لهم احتمالات نسبة نجاحها اكتر من فشلها فيشتغلوا لايف على الحساب وما زالوا يعاجون قصور الفرض حالمين بالنجاح المثالى 100% يعنى الطموح والاصرار لا يموت بداخلهم والياس لا ولم يتسرب اليهم والحكمه والعقل سيطروا على احاسيسهم ومشاعرهم
    طيب لما يفترضوا فرض مين اللى هايقولهم انهم صح ولا غلط الاستاذ طبعا اللى هو السعر والتجربه خير برهان اللى هو باك تيست
    وطبعا الفرض من واحد للتانى لتالت بيختلف ومن زوج الى زوج بيختلف ومن فريم الى فريم بيختلف
    وهذه طبيعه الحياه هل وجدت عالم يعرف كل شىء عن شىء واحد كلا ولكن هذا العالم يتخصص فى جزء فيبحث فيه بالمراقبه فيفترض ويبحث فى صحة فرضه الى يصل لمعلومه واحده عن هذا الشىء وعالم غيره يكمل المشوار ويكتشف جزء اخر وغيره وغيره وهكذا تبنى الدنيا وقد ياتى عالم بعد حين ويثبت بالفعل ان هذا العالم كان مخطئا فى تصوره وان النظريه الصحيحه هى كذا وكذا وبالتالى كل واحد فيهم يخيل اليه انه عرف سر والاخر عرف سر وثالث عرف سر
    وهذه عللوم الماده فما بالك بالبحث فى مجال التوقعات هل تعتقد ان تجد الريموت الذى يحرك السوق
    طيب اعمل ايه علشان اوصل اعمل ذيهم انسى المتا جرة اللايف دلوقتى وابدا بالتخصص فى بحثك قدر المستطاع واتعب واسهر وستصل باذن الله ولا تنتظر من احد ان يعطيك تعبه وسهره
    طيب مليش فى السكه هذه هاقولك ما زال امامك طريق عندك ناس كتر الف خيرهم وربنا يجزاهم خير وضعوا تعبهم وسهرهم امامك فى استراتيجيات بالالاف الصفحات اللى انت برده كنت بتهرب منها اتعب شويه واجتهد واتعلم معاهم وهاتوصل ومع الوقت وانت فى الطريق هاتلاقى نفسك بتضيف بهارات خاصه بيك علشان تبقى برده مميز ما العقول بتختلف اصلا ياخى وكل واحد مميز عن التانى فى شىء
    طيب برده مليش فى السكه دى هاقولك ما تقلقشى علاجك موجود انفد بجلدك من السوق ده لانه مش هايرحمك وهايحرق وقتك وفلوسك وشوف لك مجال تانى هنا مش مكانك والدنيا تساع كتير

  • #2
    رد: سر لكل مبتدئ في سوق العملات

    فعلا أخي الكريم .. السر هو أن تبني طريقتك الخاصة بك أو اترك السوق و لا تكن وقودا لنار الكبار
    مشكور

    تعليق


    • #3
      رد: سر لكل مبتدئ في سوق العملات

      كلام سليم مئة في المئة ,اجتهد سيكون هناك مكاسب لك وسيكون هناك خسائر لكن أقل ,تحياتي لك أخي الكريم

      تعليق

      يعمل...
      X