اول موضوع لي: تعارف وشرح تجربتي البسيطه مع الفوركس والشركات

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اول موضوع لي: تعارف وشرح تجربتي البسيطه مع الفوركس والشركات

    السلام عليكم

    اولا احب اقول اني سعيد جدا لوجودي في المنتدي اللي اتعلمت منه كتير في صمت وعمري ما عملت كومنت ولا كتبت فيه موضوع قبل كده لكن كان دايما المنتدي هو المرجع ليه الا في حاجات بسيطه وللاسف ياريتني كنت اشتركت من زمان

    انا عايز اعرفكم عليا واحكي تجربتي البسيطه اللي مريت بيها لحد دلوقتي

    انا مصري ومقيم بدبي وكنت بسمع عن الفوركس من مده طويله جدا من ايام ما كنت في مصر يعني من حوالي خمس سنين بس مدخلتش في حوار الفوركس الا من حوالي اربع شهور بس اتعلمت فيهم كتير وجربت حاجات كتير وعايز اقولكم عليها لعل حد يستفيد منها

    في البدايه كان ليا حساب في شركه plus500 والشركه كانت كويسه والحساب اتفتح بسرعه وكانت بتاخد من يومين لتلاته في التحويل وبدات معهم بحوالي عشر الاف درهم وكسبت خلال الاسبوع الاول ٤٠ الف يعني كان رصيدي حوالي خمسين الف بعد المكسب او اكتر شويه وكان اغلبها من المتاجره في الاسهم و الموشرات لاني كنت بحبها علشان معدل تغير السعر فيها سريع المهم بعد كده عملوا ترقيه اتوماتيك للحساب بحيث اني كنت مبعرفش افتح صفقه صغيره اقل صفقه كانت حوالي $100 من ساعتها ومشفتش خير خسرت كل الفلوس وحطيت من جيبي تاني وبرده خسرت كلمتهم علشان ارجع الحساب ومرضوش وقالوا ان كل الحسابات حصلها ترقيه upgrade يعني

    سبت الشركه ديه بعد ما عملوا حركه اسوأ وهي انهم سحبوا من الكردت كارت بتاعتي اتوماتك من غير ما اعمل انا اي حاجه لحد ما اخدوا كل الفلوس اللي جواها والحساب كمان بقي بالسالب :(

    وحاليا فيه مشكله بيني وبينهم لسه متحلتش طبعا انا كلمت البنك ووقفت الفيزا خالص وعملت بلاغ فياريت الشركه ديه محدش يتعامل معهم لمصلحته

    الميزه الوحيده اللي في الشركه دي ان platform المنصه بتاعتهم سهله جدا للمبتدئين بس للاسف الباقي كله عيوب

    حاليا اشتركت في اكتر من شركه بس شغل بشكل اكبر علي markets.com ولسه مقابلتش معاهم مشاكل لكن الواضح انهم كويسين كمان عندهم فيه شخص متابع ليك بيكلمك دايما ويبعتلك اخبار ولو عندك مشكله بيكلمك ويحلها في ثانيه لسه انهارده كان في مشكله في الايداع من الفيزا بتاعتي بس او ما بعتله ايميل كان مكلمني في خلال دقيقتين ان مكنش اقل من كده كمان

    ربنا يوفقنا ويوفق الجميع

    بالنسبه للمتاجره فانا اتعلمت شويه حاجات وياريت الكل يناقشني فيهم علشان كلنا نستفيد

    ١-لازم راس المال ميقلش عن الف دولار علي الاقل وفي الحاله ديه متفتحش صفقات اكبر من 0.01 لاني الفوركس محتاج مارجن كبير
    ٢-حافظ علي هدف يومي ومتخليش هدفك هو الفلوس وخلالص فتلاقي نفسك قاعد قدام الكمبيوتر طول الوقت وللاسف بتخسر اللي كسبته
    ٣- امشي مع الترند ودي اهم نصيحه يعني اذا السهم انهارده صاعد اعرف انه هيكمل صعود علي الاقل لفتره كويسه قبل ما يبدا ينعكس
    ٤- المتاجره في الازواج الرذيسيه هو الافضل لان فرق سعر الشراء والبيع بسيط وكمان السعر بيتغير بسرعه اكبر
    ٥-خلي ال meta trader هو المنصه الاساسيه لاني فعلا احسنهم
    ٦- بلاش تحاول تتعلم في حساب بفلوس لانك غالبا هتخسر كل حسابك بسهوله
    ٧-متعتمدش علي الفوركس كمصدر دخل لوحده لان السوق قلاب

    اخيرا بالتوفيق للجميع واتمني تقبلوني بينكم.

  • #2
    رد: اول موضوع لي: تعارف وشرح تجربتي البسيطه مع الفوركس والشر

    تجربة رائعه تفيد الاخرين للتعرف علي سوق الفوركس

    شكرا علي الموضوع
    فتح حساب فوركس إسلامي مع المضارب العربي


    مــزايا حسابـك برعايــة المضارب العربي

    توصيات العملات - شروط وطريقة الأشتراك في توصيات sms

    تعليق


    • #3
      رد: اول موضوع لي: تعارف وشرح تجربتي البسيطه مع الفوركس والشر

      تحديثا للموضوع:
      تم حل المشكله واكتشفنا ان المشكله من البنك مش من الشركه وقامو بتخفيض حسابي بناءا علي طلبي.

      الاعتذار لهم واجب.
      شكرا للجميع

      تعليق

      يعمل...
      X