الدرس الاول من دورة تعلم الفوراكس فى 20 درس

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الدرس الاول من دورة تعلم الفوراكس فى 20 درس

    بسم الله والصلاة والسلام على رسول الله

    فى البدايه احب اعرفكم على نفسى
    انا احمد البراوى لدى خبرة متوسطة فى الفوركس
    قمت بتقديم هذه الدورة فى نادى خبراء المال لكنى لم اكمله لاسباب خاصة منذ سنة لكنى تذكرت اليوم واريد اشارك دورتى معكم هنا فى منتديات المضارب العربى

    1- ما هو الفوركس ؟
    فوراكس فوراكس فوراكس ايه هو الفوراكس دا سؤال طبيعى من مبتدئ
    بتشوف اعلانات كتير عن الفوراكس من شركات مختلفة بس مش فاهم يعنى ايه فوراكس

    اليك الاجابه بكل بساطة
    الفوراكس هو Foreign Exchange Market
    والله كدا انت بسطها علينا

    استنى بس هكملك
    الكلمة اللى فوق دى بتختصر بكلمة forex
    وهو عبارة عن سوق يتم فيه تداول العملات او بيع وشراء العملات

    ببساطة عارف مهنة الصراف عارف هو بيعمل ايه
    الصراف بيشترى منك عملة وبيبيع لك عملة
    يعنى انت لما تروح للصراف معاك 100 دولار عاوز تغيرهم للجنية يبقى انت كدا عملت ايه
    اشتريت الجنية مقابل الدولار او بعت الدولار مقابل الجنية
    فى الفوراكس انت بتشتغل صراف
    بتشترى عملة مقابل عملة
    فهمت كدا ..... متاكد انك فهمت ..... الحمد لله


    2-بعد اذنك انا قبل ما اتعلم فوراكس عاوز اعرف هكسب ايه ؟
    بالرغم من ان شكلك طماع بس هجاوبك لان دا من حققك
    لان ببساطة كل اللى داخل عالم الفوراكس داخل علشان يحقق ارباح
    هتكسب ايه
    انت هتكسب زى الصراف من فارق العملات
    بمعنى انت اشتريت اليورو مقابل الدولا ب1.78 مثلا والسعر ارتفع ل 1.88
    يبقى انت مكسبك 10 سنت
    بس كدا 10 سنت
    لا دا مجرد مثال يا اخى

    طيب ممكن اعرف هكسب كام بالظبط
    محدش يعرف هيكسب كام بالظبط لان الفوراكس مش مكسب بس ممكن تخسر كمان
    بس فى الدروس القادمة اللى هشرحلك فيها انواع العقود هقولك هتكسب كام من كل نقطة تحصل عليها لصلحك
    كدا انت عرفت يعنى ايه فوراكس وهتكسب من ايه بالظبط

    السؤال المهم انا هشتغل ازاى؟
    طبعا مش هتفتح مكتب صرافة ومش هتروح البنوك
    انت بتشتغل من اى مكان انت عاوزةمن البيت من الجامعة من الشغل
    كل اللى انت بتعمله انك بتحمل برنامج تداول ــــــــ هيتم شرحة فى دروس قادمة
    وبتشتغل من خلالة فى بيع وشراء العملات
    امثلة لبرامج التداول
    MetaTrader ودا اللى هنشتغل علية هتقولى ايه السبب ـــــــــ بصراحة لانى متعلمتش غير البرنامج دا الدرس الاول دورة تعلم فوراكس nonchalance.png
    GTS Pro ودا شركات كتير بتوفرة
    من خلال البرامج دى بتشتغل فى الفوراكس

    انتظرونى فى الدرس القادم هعرفكم على اصحبنا فى الفوراكس ـــــــ ازواج العملات

    اتمنى ان تنال اعجابكم واذا كان الاسلوب غير جيد ارجو ابلاغى بذالك واذا كانت هناك اخطاء ارجو من المشرفين ابلاغى بها
    *****

  • #2
    رد: الدرس الاول من دورة تعلم الفوراكس فى 20 درس

    اهلا اخي العزيز

    شرح جيد و متابع معك سلسلة الدروس القادمة ان شاء الله

    تحياتي
    فتح حساب فوركس إسلامي مع المضارب العربي


    مــزايا حسابـك برعايــة المضارب العربي

    توصيات العملات - شروط وطريقة الأشتراك في توصيات sms

    تعليق


    • #3
      رد: الدرس الاول من دورة تعلم الفوراكس فى 20 درس

      مشكوووووووووووووووووووووور

      تعليق


      • #4
        رد: الدرس الاول من دورة تعلم الفوراكس فى 20 درس

        مشكور اخي الكريم على ما تقدمه من اسهامات بارك الله فيك

        تعليق

        يعمل...
        X