[استراتيجية] قصتي الحقيقيه مع عبقري الفوركس لفائدتنا كلنا

[amrosheleby]

انا اسمي عمرو شلبي اعمل مهندس شبكات في بلد الجزائر الشقيقه
اسمحولي ان احكي قصه مختصره كأي شاب من سنتين قرأت الفوركس واستمريت في الماكره ثم قررت المتاجره بمبلغ ليس بصغير وبالطبع خسرته بالكامل نتيجه ذكائي المبهر اعدت المحاوله بمبلغ اقل ثم اقل وخسرتهم بالكامل
اغلقت الموضوع وندمت و من فتره حوالي 4 شهور وجدت صديق جزائري يتحدث معي عنالفوركس طبعا ضحكت في سري قالي ان فيه مهندس مصري في الجزائر زيي يعني علمهوله وشكرلي فيه جدا لحد ماقولتله طب ممكن أقابله ورتب لقاء بيننا شرحلى الفوركس استغربت ان كل اللي كنت فاهمه غير اللي اتشرح
المهم قعدت معاه وهو بيتاجر والله العظيم في 8 ساعات فتح وقفل 11 صفقه بلا خساره ومش يوم واحد كل ما بقعد اتعلم منه كده
بجد شخص طيب جدا معندوش مشكله يساعد اي حد لدرجة انه بيتاجر لناس زمايله والله العظيم من غير ولا مليم
زي ما علمني حاجات كتيره بس مش استراتيجيته طبعا عشان بيقولي انا هديك الفكره بعد الشرح وانت تكتشفها وانا هساعدك

حبيت اعرف الناس ان فيه شخص عربي كده ناجح في الفوركس عشان تقريبا مسمعتش عن حد كده
المهم اللي عاوز يستفيد منه يقولي وانا ممكن اخليهم يقابلوا بعض على النت
و يا رب يكون فيه خير للعرب كلهم

المصدر: منتدى المضارب العربي لتجارة العملات الفوركس - من قسم: استراتيجيات العملات وطرق المتاجرة

[pro_trade]

اقتباس   المشاركة الأصلية كتبت بواسطة amrosheleby انا اسمي عمرو شلبي اعمل مهندس شبكات في بلد الجزائر الشقيقه اسمحولي ان احكي قصه مختصره كأي شاب من سنتين قرأت الفوركس واستمريت في الماكره ثم قررت المتاجره بمبلغ ليس بصغير وبالطبع خسرته بالكامل نتيجه ذكائي المبهر اعدت المحاوله بمبلغ اقل ثم اقل وخسرتهم بالكامل اغلقت الموضوع وندمت و من فتره حوالي 4 شهور وجدت صديق جزائري يتحدث معي عنالفوركس طبعا ضحكت في سري قالي ان فيه مهندس مصري في الجزائر زيي يعني علمهوله وشكرلي فيه جدا لحد ماقولتله طب ممكن أقابله ورتب لقاء بيننا شرحلى الفوركس استغربت ان كل اللي كنت فاهمه غير اللي اتشرح المهم قعدت معاه وهو بيتاجر والله العظيم في 8 ساعات فتح وقفل 11 صفقه بلا خساره ومش يوم واحد كل ما بقعد اتعلم منه كده بجد شخص طيب جدا معندوش مشكله يساعد اي حد لدرجة انه بيتاجر لناس زمايله والله العظيم من غير ولا مليم زي ما علمني حاجات كتيره بس مش استراتيجيته طبعا عشان بيقولي انا هديك الفكره بعد الشرح وانت تكتشفها وانا هساعدك حبيت اعرف الناس ان فيه شخص عربي كده ناجح في الفوركس عشان تقريبا مسمعتش عن حد كده المهم اللي عاوز يستفيد منه يقولي وانا ممكن اخليهم يقابلوا بعض على النت و يا رب يكون فيه خير للعرب كلهم

اخي الكريم بارك الله فيك على حبك للخير لاخوانك
طيب خليه يسجل في المنتدى و يضع معلوماته لجميع الاعضاء بدل ما يستفيد منها عدد قليل بشكل خاص

بالتوفيق

[almsre]

اهلا اخي الكريم
شكرا علي الافاداة بقصتك مع الفوركس و اذا كان صديقك يتفضل بالتسجيل بالمنتدي و شرح معلوماته للجميع فاهلا و سهلا به معنا في المضارب العربي

بالتوفيق

[Fady Fahim]

ميرسي جدا لزوقك يا عمرو
اولا احب اشكرك لمساعدتي علشان اعمل اكاونت
ثانيا انا لا عبقري ولا حاجه متصدقوش انا شخص اقل من العادي
كل ما هنالك اني حاولت كتير وقرات كتير جدا ودرست وحللت ةةصلت لنقط كتير جدا من الناس مبتعلمهاش لحد او على احسن تقدير مش منتشره
على العموم انا تحت امركم في اي شيئ لو عاوزين تسألوني في اي شيئ ده يشرفني لو عاوزني اشرح اي موضوع او اساعد في اي موضوع انا تحت امركم
ولتاني مره شكرا جدا ليك يا عمرو على الكلام امبالغ فيه ده وشكرا جدا للأخوه اللي ردوا واقترحوا اني اشترك في المنتدى
انا فعلا علمت ناس كتير بس عمري ما فكرت اشترك في اي منتدى لأسباب خاصه

[أيمن محمود]

يا مرحب بيك أخ فادي في منتدانا .

من الواضح أنك أنسان محترم و عايز تفيد الناس, ياريت تفيدنا بخبرتك و لو ليك أستراتجيه معينه تتبعها ممكن نشاركها و نتعلمها يبقي كتر خيرك و الناس هنا كلها بتساعد بعض و روحهم جميله.

[Fady Fahim]

اقتباس   المشاركة الأصلية كتبت بواسطة أيمن محمود يا مرحب بيك أخ فادي في منتدانا . من الواضح أنك أنسان محترم و عايز تفيد الناس, ياريت تفيدنا بخبرتك و لو ليك أستراتجيه معينه تتبعها ممكن نشاركها و نتعلمها يبقي كتر خيرك و الناس هنا كلها بتساعد بعض و روحهم جميله.

ميرسي جدا ليك استاذ ايمن لذوقك
بس انا مقدرش اشرح استراتيجيتي عل طول من غير شوية تمهيد
فأاذنولي لو نبدأ نعمل كورس صغير مش من اصفر بس علشان يكون الواحد وصل كل المعلومات المهمه اللازمه علشان تنجحوا وانشاء الله تكونوا احسن واحسن
اعطوني اقتراح تكون اسمها ايه ونبتدي انشاء الله من اليوم
واللي يحتاج اي تفسير او طلب او اي شرح لأي جزء انا تحت امركم في اي وقت

[أيمن محمود]

أقترح نعمل ورشه و ده بعد أزنك نبداء فيها بخطوات وبعدين المواضيع هتتفتح أوتوماتيك و أقتراحي للخطوات كالتالي :-

- مبادئ عامة في النظام الهامشي و طريقه لأداره رأس المال
- سلوك العملات و كيفية التعامل مع السوق.
- توقع أسعار العملات و التحليل الفني.
- المؤشرات و أهميتها.

طبعاً أنا عارف أن كل المكتوب ده يتألف فيه كتب لكن أنا مبتدئ وبقالي فتره بقراْ في مواضيع و ورش كثيره و أظن أن الأطلاع و الأستفاده بتجارب الغير مهمه جداً في هذا السوق المتقلب.

أسم الورشه و الموضوع يرجع لحضرتك وطبعاً أكيد الناس كلها هتستفيد وده المهم.

[Fady Fahim]

أوكي استاذ ايمن انا هبدأ هنا ولو لقيت ان الكورس او الشرح مفيد للزملاء ممكن نعمله موضوع خاص
اولا انا اسف انا بشرح عملي وعمري ما شرحت نظري قبل كده فياريت تعذروني للغتي
اول نقطه انا عارف ان معظم المبتدئين وكتير من اللي بقالهم فتره بيتاجرو بيكسبوا او بيخسروا او اللي بيكسبوه بيخسروه عندهم بعض المفاهيم الخطأ عن الفوركس والمتاجره والأستراتيجيات هلخصها في كام نقطه لو التزمنا بيهم ومع الطريقه بعد كده اضمنلك انك نسبت خسارتك لتريد هتبقى اقل من 5% انشاء الله
1-علشان نقدر نتعلم سوا وعشان اضمنلك بمالي الخاص انك هتدخل اي تريد بثقه هو انك تتغلب على الخوف من الخساره وكمان الطمع في المكسب الزياده وعشان تتغلب على النقطتين دول اللي عانيت منهم زي ما عانى منهم كل واحد يبقى عاوز تدير رأس مالك صح على سبيل المثال لو رأس مالك 2000 دولار تعمل صفقه صغيره متكونش اكتر من 0.1 لوط ساعتها لو خسرت هتخسر 50 دولار على اكبر تقدير مش هيكونوا المبلغ اللي يخلوك خايف من التريد او تطمع فيه
2- ارجوا انك تنسى كل الكلام الجميل اللي بيتقال على الانديكاتورز
الأنديكاتور هو عباره خطوط تمثل علاقة سعر العمله الحالي بمده سابقه ثواء كانت 10 شمعات 20 شمعه او اي عدد فعاوزك تفكر هل هتلاقي الأنديكاتور في نفس المكان او الدلاله لو خليته ياخد متوسط 10 شمعات ولا 20 شمعه ولا خمسين؟؟؟
هل لو دلوقتي بيقولك انك لازم تشتري لو غيرت اعداداته اللي كل الأنديكاتور بيبص عليها وهي المتوسطات الحسابيه هتلاقيه برضه بيقولك اشتري
اي استراتيجيه بتعتمد على مؤشر نسبة نجاحها 50 % زي نسبة فشلها بالظبط
لازم نفهم كويس جدا انها تصنف كمتتبعات اي تتبع السعر وليس تسبقه
خلاصة الكلام قصدي انسوا كل الأنديكاتورزاو الأستراتيجيات اللي بتعتمد عللى انديكاتور اللي درستوها او شفتوها صدقوني ملهاش اي فايده
3- نحول تفكيرنا من اننا نراقب السعر بأننا نحاول نتوقه السعر رايح فين
تخيل مدى سعادتك لو بصيت على سعر عمله وعرفت ان السعر هيطلع او هينزل او على الأقل انه في حالة حركه جانبيه انا انشاء الله لو ربنا وفقني هقولك تعرف كده ازاي
4- يجب ان تعي تماما انك قد تقوم بأنشاء 10 متاجرات ناجحه في اليوم او اقل او اكثر وهناك اوقات لن تستطيع المتاجره لقد تقابلت مع كثيرين جدا يحاول ان يتاجر بأي طريقه ولا ينتظر فرصه للمتاجره فيجب ان تضع في بالك ان تنتظر الفرص وليس ان تخلق الفرص
5- سوف اقوم بشرح طريقتين السهله منهم والتي تستطيع منها المتاجره مع الترند والصعبه منهم وهي التي تستطيع بها المتاجره مع او ضد الترند وسوف اعطي امثله على شهر او شهرين او حتى سنه كامله لكل الفرص الرابحه والخاسره ان وجدت وليس فقط مجرد 4 او 5 امثله رابحه
6- يجب ان تلتزم بتسجيل كل المتاجرات الخاصه بك سواء كسبانه او خسرانه وتحللها وهوريك طريقه تسجيلها صح ازاي وتحليلها ازاي
7-دراستنا لن تشتمل على اي كاشف
8- الطريقتين تعملان على اي نوع عملات

ارجوا ان يكون اسلوبي بسيط ولو حابين نبدأ في الشرح قولولي وانا تحت امركم لو عندكم اي تعليق او نقض انا برضه تحت امركم

2-