سوف ابدا باذن الله تعالي بشرح طريقتي الجديده فى المتاجره والتي هي تجربتي لمده شهر فقط عسي الله ان ينتفع بها الاخوان ولايسيما المبتدئين منهم
وقد ترددت كثير في طرح هذا الموضوع لعده اسباب وهى انني لا ادري من اين ابدا لان الطريقه رغم انني اراها بسيطه وبها الخير الكثير لكن لست علي ثقه من مقدرتي علي الشرح المفصل ولا سيما انها ليست طريقه معلبه وتعتمد علي بعض من الادوات الفنيه
لذلك سيكون الموضوع تعليمي بحت
بالاضافه الي فن استخدام الادوات
والتي سوف نتطرق اليها تباعا
ورغم ان الموضوع كما قلت هدفه الاول والاخير هو التعليم الا ان جميع الفرص التي سوف يتضمنها
الموضوع صالحه للاستخدام علي الحسابات الحقيقيه ولكن لا باس من التجربه في البدايه علي الحساب الديمو من اجل الاطمئنان واتقان الطريقه باذن الله
اول حاجه هنعملها دلوقتى هتحمل المؤشرات دى
وده خلاصه كل اللى جمعته من مؤشرات
منذ بدايتى فى التعلم لحد ما بقيت يعنى مضارب
وادعولى عشان اوصل لمضارب محترف
http://www.ziddu.com/download/7329442/mrhussen.rar.html
او
http://www.mediafire.com/?g4wmnwmllmn
وبعد ما تحملهم حط فى برنامج المتاجره الخاص بك
فولدر المؤشرات ( indicators )
وتعمل ريستارت للبرنامج
وفولدر التمبلت بتاع الاستراتيجيه مقسم 3 تمبلات
mr@hussen1
mr@hussen2
mr@hussen
1_ ده نص الاستراتيجيه
2 _ ده النص التانى
3 _ ده بقا النص الاول والتانى مع بعض
هتقولى عملتهم كده ليه هقولك براحتى ليك حاجه عندى
انا صاحب الموضوع واعمل اللى اعمله .. انت شريكى
لا بجد .. انا عملت كده ليه .. انا عملت كده عشان فى مضاربين
بيحبوا يشتغلوا من غير دوشه مؤشرات كتير
وفيه مضاربين بيحبوا يشتغلوا والشارت فيه 100 مؤشر
ودول اللى انا منهم
ودى اول افاده ختوها من الموضوع بتاعى وهى المؤشرات
والله تجميع 11 شهر وسهر ليالى وهتفيدكوا جدآ
ممكن مش دلوقتى لكن هتعرفوا فايدتها بعدين
تانى حاجه بقا تعالى نبص على الاشكال الثلاثه للتمبلت
النص الاول mr@hussen1
النص الثانى mr@hussen2
mr@hussenالاستراتيجيه كامله
ده بالنسبه للأشكال والمؤشرات والتمبلت
وحان موعد الشرح
واحده واحده كده عشان الموضوع يبقا سهل علينا رغم انو سهل لوحده اساسا
المهم
اولا هوريكوا شكل الاستراتيجيه عامل ازاى والمؤشرات وتعريفها
ده الشكل الطبيعى للأستراتيجيه
تتكون الاستراتيجيه من 3 اشياء وهما على الترتيب حسب درجه الاهميه
1_ الاستوكاستك
2_ الخطوط
3_ السهم
شرح مبسط للاستراتيجيه
ودلوقتى يارجاله ارجو النظر جيدآ لهذه الملاحظات اللى اكتشفتها
من خلال تجربتى مع الاستراتيجيه خلال الاسبوعين اللى فاتو
1_ الاستراتيجيه تعمل فى اوقات السوق الطبيعى بنسبه 90% ولكن اوقات التذبذب تكون بنسبه 50 % فقط
والخط الاصفر يلعب دور الارتداد فى وقت التذبذب
2_ يفضل الشراء من الخط الاحمر ويفضل البيع من الخط الاخضر
وتتحول خطوط المقاومه الى خطوط دعم عند اختراقها وتأكيد الاختراق
وتتحول خطوط الدعم الى خطوط مقاومه عند اختراقها وتأكيد الاختراق
طب دلوقتى اعرف منين ان الخط اخترق واتأكد اختراقه
عند اختراق مقاومه او دعم بنسبه 90% لازم السعر
يريجع تانى للخط ده عشان يأكد الاختراق
ودى صوره بتوضح الكلام ده ان اى خط بيخترقه ويرجعله تانى وميعرفش يخترقه بيتحول من مقاومه لدعم او من عدم لمقاومه
3_ التزم بالاستوب لوس وهو تحط الاستوب فى الشراء تحت السهم ب5 نقاط وتحط الاستوب فى البيع فوق السهم ب5 نقاط
4_ تحديد الهدف ودى اهم نقطه ,, الهدف مش عدد معين من النقط
ولا مده معينه من الزمن
ولكن على الاستوكاستك والاسهم والخطوط
بمعنى ان لو انا دلوقتى شارى والاستوكاستك لسه مداش تشبع شراء ولا فيه سهم معاكس ظهر ولا خط المقاومه قريب
يبقا اخرج ليه خلينى موجود فى الصفقه
وفى نفس الوقت لو انا شارى ولقيت الاستوكاستك جاب علامه تشبع شراء او خط مقاومه قرب او سهم معاكس ظهر يبقا اخرج فورآ بأى ربح او حتى خساره قليله .. احسن ما يعكس عليا ...
يبقا لازم نكون عندنا مرونه وسرعه اتخاذ قرار
واقرر تانى ان الموضوع هدفه التعلم والتجربه
يعنى كلنا هنشارك مع بعض ونجرب ولن شاء الله هنوصل
لافضل طريقه ممكنه للأستفاده من الاستراتيجيه
التى هى من تركيبى
وعلى فكره :: ممكن تعتمدوا على الاوستوكاستك والخطوط فقط
يعنى السهم مش ضرورى اوى
لانه بيظهر متأخر وبيضيع نص الفرصه
بس لما السهم بيظهر الفرصه نسبه نجاحها بتبقا اكبر
يالا اكتشفوا حجات معايا انتو كمان وانتقدونى نقد بناء
وربنا يوفقنا
ومنتظر تفاعلكم
مع تحياتى
تعليق