تويت
قانون الاصطفاف :
إذا صاف في طابور بطيء وقمت غيرته، طابورك اللي غيرته فجأة يصير يمشي أسرع من اللي انت الحين فيه
قانون التلفون :
عمرك ما تتصل على رقم غلط ويطلع مشغول
قانون التصليح :
بعد ما إيدك تتزيت وتتوسخ من الشحم ودهن الماكينة، خشمك يبدأ يحك
قانون المعدات :
إذا طاح من إيدك أي شي، تأكد انه بيظل يتـدحرج إلى أن يوصل لألعن مكان ما تقدر تطلعه منه
قانون الأعذار :
إذا تأخرت عن الدوام وقلت لرئيسك أن كان عندك بنشر، اليوم اللي بعده يبنشر من صح
قانون المسبح :
بعد وضع جسمك في الماء، يبدأ التلفون يرررررن وما يسكت
قانون الالكترونيات :
إذا أخذت جهاز عند مصلح تبي توريه انه ما يشتغل، ساعتها يشتغل عادي
قانون السينما :
اللي حاجزين كراسي في نص الصف لازم يجوا متأخرين ويدوسوا على رجولك
قانونالقهوة :
أول ماتجيب لك كاس قهوة ساخن، يجي رئيسك ويعطيك شغلة ما تخلص الا لما تبرد قهوتك
قانون المصادفات :
إذا كنت مع واحد ماتريد حد يشوفك معاه، فجأة كل اللي تعرفهم يطلعون من كل مكان
قانون الأقساط :
إذا عندك سيارة أو طراد أو أي سلعة مطلوبه للأقساط،،، مجرد أن تنتهي الأقساط تخترب !!!
قانون الزواج :
بعد شهرين من زواجك... يسألونك ها في شي في الطريق ؟؟؟
قانون المعاش :
آخر الشهر لازم كل العزايم والهديا والطلبات تزيد ) حبكت يعني(!!!
قانون الطقس :
لازم بنهاية الاسبوع وانت حدك متحمس بتطلع حدائق أو تروح البر مع الربع
يصير الجو هوى وغبار وحر و رطوبة بمعنى ثاني الفصول الاربعه بيوم واحد
و أخيرا قانون البحث :
إذا حبيت تدور شي معين(ما تلقاه).... مع إنك كنت كل يوم تشوفه ؟؟
سبحان الله والحمد لله
تعليق