تويت
لا يمنع اهتمامنا بالعملات من متابعة السوق السعودي وجميعنا يعلم ما يمر به السوق السعودي في الفترة الاخيرة من تصحيح بعد الصعود الغير معقول في 2005 ولكل ظاهرة سلبيات حاولت ان ارصد جزء بسيط منها وقد نشرت هذا الموضوع في مجموعة من المنتديات المتخصصة بالاسهم السعودية ولكن للاسف قبول بالحذف .. فقلت اطرحه هنا في مدونتي للذكرى على أقل تقدير .
هناك اربعة طرق اذا عملت اي منها او اكثر من واحده في نفس الوقت فأنت ربحان دائما سواء كان السوق مرتفع او متراجع وهي :
الطريقة الاولى : شوية علاقات عامة مع مسؤولين بالقنوات الفضائية ويطلعونك بلقاء ويكتبون أسفل المحلل المالي .. او الخبير المالي .. او استاذ الاقتصاد .. الخ ... ولا يبي لها كثر فلسفة .. شويت مصطلحات تحفظها ممكن تسمعها من لقاء اي محلل في قناه ثانية وكررها مثل البغبغاء .. يعني مصطلحات مثل المحفزات .. اقتصاد اكبر منتج للنفط .. مكرر الارباح .. تضخم الاسعار .. وعي المستثمر .. انتقاء اسهمكم .. اسهم العوائد .. الاسهم القيادية .. اسهم المضاربة .. اسهم الخشاش .. الاسهم المحترمة والغير محترمة لكن الاخيرة ذي لازم تذكر الحقوق لانها ماركة مسجلة ... واقل ما تأخذه في اللقاء 1500 ريال وفي بعضهم وصل سعره 3000 ايام اخضرار السوق لكن الايام هذي نزلت اسعارهم وصححت مع السوق لكن على الاقل 1000 ريال على اللقاء خير وبركه ... ولا حط ريال واحد بالسوق
الطريقة الثانية : تدير محافظ وفلوس غيرك ولا تحط ريال من جيبك وبكيفها تربح والا تخسر .. ان ربحت اخذت نسبتك من الربح واللي ما تقل عن 25% وان خسرت من جيبوهم وانت في السليم وعلى فكره هذه الظاهرة ليست في سوقنا فقط بل هي موجوده باسواق العملات والاسهم العالمية ويجري التحذير منها دائما ويسمونهم المضاربين الهواه باموال غيرهم .... قصه قصيره خارج النص ( كان يجيني واحد من الاصدقاء ويقول مضاربنا هذا مو صاحي دخل 10 % في يومين والايام الاخيرة يقول مضاربنا يقول ابي راتب اذا السوق نازل ... هههههههههههه والله حاله )
الطريقة الثالثة : تصلح لك منتدى وتوصيات بالجوال وكل يوم قل لهم السهم الفلاني تدبيلة والمده 3 اشهر .. ما عليك مع طول المده بينسون التوصية المقلب .. وحط اشتراكات خيالية تخيلوا وصلت بعض اسعار الاشتراكات الى 1500 ريال شهريا على الفرد .. والله لو توصياته هذي تنفع ما اعطاك ايها ولا بمليون لانه لو تاجر هو فيها لاغنته عن اشتراكك .. لكن يجمع اشتراكات المغفلين ويخسروا بالسوق وهو لايخسر ريال واحد بالسوق
الطريقة الرابعة : صلح دورة في الاسهم السعودية او التحليل الفني او الاساسي .. اهم شي تكون الدورة في فندق خمس نجوم وعط المشاركين شوية برستيج وحسسهم انهم رجال اعمال ومضاربين من الطراز الاول ونصب عليهم في كم محاضرة وانتبه لا يقل اشتراك الدورة عن 5000 ريال وعدد المشاركين عن 40 مشارك تطلع بـ 200000 ريال .. مائة الف تدفعها للفندق ومصاريف ادارية ومائة الف تحطها بجيبك حلال من ظهور المغفلين وانت ولا خسرت ريال واحد بالسوق
منقـووول
تعليق