نظام دبل تراب للمتاجرة + ورشة العمل نظام عالى الجودة

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • نظام دبل تراب للمتاجرة + ورشة العمل نظام عالى الجودة

    الأخوه الأحباب هذه اول مشاركة كورشة عمل ارجو من الله ان تحوز على رضاكم و ان تعم الفائدة على الجميع

    قبل ان ابدأ بمنظور الفكرة وحيث لا اطيل عليكم اريد فقط ان اعطى بعض النقاط من وجهة نظرى و بعد 9 سنوات من المتاجرة بأسواق العملة

    المبدأ الأول : هذه الوظيفة هى وظيفة الاحتمالات و يطلق عليها probability business لابد ان توقن بهذا المبدأ

    المبدأ الثانى : ليس من المفترض ان تكون كل الوقت داخل السوق بعض الأحيان الانتظار خارج السوق يكون افضل

    المبدأ الثالث: لا تملى على السوق شروطك و لكن انتظر حتى يعطيك السوق الشكل الذى تبحث عنه

    المبدأ الرابع : اعلم ان الدعوم و المقاومات لا تدوم لابد يوما من كسرها فلا تثق بها كثيرا و تبنى عليها متاجرتك و لكن اجعلها وسيلة او اداة او شاهد من ضمن الشواهد التى تزيد من احتمالية النجاح

    المبدأ الخامس : اجعل متاجرتك منظمة و مشروطة بمعنى انك تريد ان ترى كذا و كذا حتى تتاجر و اذا لم ارى كذا و كذا لن اتاجر

    المبدأ السادس : لا توهم نفسك بشىء تشك فيه انه صحيح و لكن اعترف انه غير صحيح حتى لو كان هذا يحول دون الدخول فى الصفقة و انتظر حتى تكتمل الصورة التى تريدها

    المبدأ السابع : مازلت اعترض على فكرة التوصيات و لكن اقول انه من الأفضل و اصبح الأن لابد للمتداول العربى ان ينتقل الى فكرجديد و هو تجهيز الشارت او بمعنى Chart setup

    المبدأ الثامن : البساطة و البعد عن التعقيد افضل الادوات للمتاجرة الصحيحة
    المبدأ التاسع : لايوجد على وجه الأرض النظام الذى يربح دائما و لكن يوجد نظام ادائه عالى و اخر ادائة متوسط و اخر ادائه غير جيد

    المبدأ العاشر: ما هو النظام الذى تستخدمه لابد ان يكون لك نظام تتاجر به و لا تدع نفسك تائه بين التوصيات و اراء الأخرين و لا تقفز من نظام الى نظام و ثق بالنظام الذى تعمل به

    المبدأ الحادى عشر : اقبل الخسائر كجزء من عملك و لا تأخذ الموضوع شخصى بينك و بين السوق و ابعد عن المتاجرة الانتقامية

    هذه هى المبادىء التى على ذهنى الأن و لكن ارى فيها انها اهم المبادىء

    ندخل على الموضوع
    الموضوع اتمنى انه يكون ورشة العمل التى اشترك بيها فى المسابقة و قبل المسابقة اتمنى انه يفيد الكثيرين
    وسأتابع الموضوع و العمليات على حساب ديمو لمن يريد ان يتأكد و يستريح للطريقة و هذه احدى طرقى للمتاجرة فى الحساب الحقيقى و اقترحو المنصة لعمل الديمو لتكون متاحة للغالبية

    الموضوع هو دمج الاستراجيات و الاستفادة منها و بدون تعقيد
    سنستخدم استراتيجية على 4 ساعات و منها تقفز على ال 15 دقيقة لاصطياد الفرص بناء على الصورة من ال 4 ساعات هذه هو الموضوع

    حالة اصطياد الفرص ستكون ب 3 استراجيات و منها واحده معاكسة للربع ساعة و لكنها فى اتجاه ال 4 ساعات

    هذه الاستراجيات مجربة و انا حاليا استخدمها من ضمن ادواتى للمتاجرة
    هذه الاستراتجيات تخضع لنوع معين من المتاجرين و هم متاجرين الحاليين او الانترا داى تردير فاذا كنت ممن ليسوا من هذا النوع فلن تفيدك هذه الاستراتجيات
    الاستراتيجية التى تحدد الصورة على 4 ساعات ليس لها علاقة بالأخرى على ال 15 دقيقة و لكن هذه خاصة ب 4 ساعات و هذه خاصة ب 15 دقيقة

    سنتاجر دائما بوقف للخسارة بمقدار 30 نقطة وفيما بعد ذلك سأضيف اضافات جديدة لا يمكن الوصول لها الأن فنحن فى مرحلة المعرفة فى هذا الموضوع و سيكون ايضا الهدف 30 نقطة بما يعادل 1 الى 1 كنسبة مخاطرة الى ربح او Risk to reward rate
    نبدأ على بركة الله
    الاستراتيجية الخاصة ب 4 ساعات
    نبدا منها و قبل ان نبدا نتجه الى مواقع الأخبار على العملات و نحدد اوقات الاخبار التى يكون فيها احد طرفى الزوج الذى نتاجره حتى نتجنب المتاجرة وقت او قبل وقت الخبر بقليل و ما اعنيه قبل وقت الخبر على الأقل ساعه قبل صدور الخبر و نصف ساعه بعد صدوره

    العملات التى سيتم المتاجره عليها ستكون : GPB/USD USD/CHF USD/CAD AUD/USD EUR/USD GPB/CHF

    اسم الاستراتيجية " ريبيليون"
    سيتم وضع المحتويات و الشرح للاستراتيجية

    استراتيجية الربع ساعه و هى المستخدمة لقنص الفرص هى " المنشار"
    سيتم وضع ايضا المحتويات و الشرح لها

    و هناك ايضا طرق اخرى سيتم توضيحها حتى نكون جاهزين للمتاجرة المنظمة التى تعتمد على الالتزام التام
    الفقرة القادمة ستكون بداية شرح نظام ريبيليون
    و حتى الفقرة الثانية من الورشة اتمنى لكم التوفيق

    34
    VSA TEAM
    LEARN TO TRADE WITH SMART MONEY
    STOP BEING A HERD TRADER

    هنا تجد فيديوهات الشرح
    هنا تجد فيديوهات التطبيقات على السوق



    قناة يوتيوب للعمليات الحية على السوق بأسلوب الفوليوم و المدى

  • #2
    رد: نظام دبل تراب للمتاجرة + ورشة العمل نظام عالى الجودة

    هانحط الشرح لكل الادوات و النظامين و الملفات و التمبلتات علشان كله يستفيد و نشتغل
    VSA TEAM
    LEARN TO TRADE WITH SMART MONEY
    STOP BEING A HERD TRADER

    هنا تجد فيديوهات الشرح
    هنا تجد فيديوهات التطبيقات على السوق



    قناة يوتيوب للعمليات الحية على السوق بأسلوب الفوليوم و المدى

    تعليق


    • #3
      رد: نظام دبل تراب للمتاجرة + ورشة العمل نظام عالى الجودة

      شرح نظام ريبيليون ... هانستخدم هذا النظام على 4 ساعات
      هانحدد منه فى اى وجهة هناخد تريدات لونج هانشترى شورت هانبيع
      هايكون عندنا شمعه هاتعطينا تحول الوضع هذه الشمعه ليها شروط لو لم تتحقق هذه الشروط هانفضل على الوضع الحالى بمعنى
      لو احنا كنا قبل ذلك على اتجاه لونج يبقى بندور بس على شراء فقط لو بدأت شمعه التحول تظهر هانشوف الشروط تحققت كلها مره واحده او على مراحل يبقى هانقلب الوضع و نبدأ ندور على بيع فقط .... نقظة اخرى بعض الشروط ممكن تحدث على مراحل اذا حدث شرط واحد مثلا و لم تكتمل هانفضل على الوضع الطبيعى اللى احنا عليه مش هانقلب لو اكتملت الشروط مثلا فى الشمعه اللاحقة يبقى هانقلب واضح ... تمام

      الصورة المرفقة هاتوضح محتويات الشارت لنظام ريبيليون عندنا اكثر من محتوى التفاصيل على الشارت
      نشوف اول حاجه شرط التحول الى شراء و طبعا معناه اننا كنا قبل ذلك على بيع

      اولا: لابد ان الشمعه فى اغلاقها تكسر الموفينج 5 اكسبونينشال اللى معمول له ازاحه الى الامام بمقدار 5 تكسر يعنى تغلق فوق هذا الموفينج


      ثانيا: على مؤشر كيو كيو اى لازم الخط الأزرق يكون تحت 50 و كسر الخط الأحمر المنقط و هو ايضا تحت 50 ثم يتعدى مستوى 50 والكلام هنا على الخط الأزرق الذى سيتعدى 50

      ثالثا : مؤشر الأسهم هذا هو عبارة عن 2 موفينج 4 و 5 مع بعض عند تقاطعهم يعطى السهم على شمعة القطع . اثناء حدوث الشروط الأولى يكون هذا الشرط متوفر فى الأساس او يحدث مع الشروط

      نفصل شوية ... يمكن ان تحدث كل الشروط مع بعض و يمكن ان تحدث بالتدرج و ندى مثال

      ممكن الشرط الأول يتحقق و معاه الشرط الثالث و لكن الشرط الثانى لم يتحقق يبقى هانفضل على الوضع القديم حتى يتحقق الشرط الثانى
      نشوف سناريو تانى
      الشرط الأول تحقق الشرط الثانى تحقق يبقى ننتظر الشرط الثالث حتى يتحقق
      الشرط الثانى تحقق و الثالث تحقق يبقى ننتظر الأول حتى يتحقق و هكذا
      فى الأساس بعض الأحيان او كثير منها يتحقق الشروط كلها مع بعض

      كل دا هانسميه ايه؟؟ اعداد شارت 4 ساعات او 4H chart setup

      الصورة الأولى اعداد للتحول الى شراء

      هنا الذى تحقق هو الشرط الأول والثالث و لكن الشرط الثانى الخاص ب كيو كيو اى لم يتحقق بعد لكن بعد هذه الشمعه و فى الشمعه التالية تحقق الشرط و بالتالى نبدأ البحث عن شراء فقط و ليس بيع


      الصورة الثانية اعداد تحول الى بيع

      هنا كل الشروط تحققت مره واحده و بالتالى بمجرد اغلاق هذه الشمعه نبدأ التحول الى البيع و البحث عن اعدادت بيع على شارت الربع ساعه طبعا احنا لسه مشرحناش نظام المنشار اللى على ربع ساعه اللى منه هانبدأ نمشى مع اتجاه اربع ساعات

      جارى تحضير امثله متنوعه لحالات توضيح اكثر للشروط و مين نشتغل عليه و مين نعمله باص


      لينك المؤشرات و التامبلت
      4shared is a perfect place to store your pictures, documents, videos and files, so you can share them with friends, family, and the world. Claim your free 15GB now!











      VSA TEAM
      LEARN TO TRADE WITH SMART MONEY
      STOP BEING A HERD TRADER

      هنا تجد فيديوهات الشرح
      هنا تجد فيديوهات التطبيقات على السوق



      قناة يوتيوب للعمليات الحية على السوق بأسلوب الفوليوم و المدى

      تعليق


      • #4
        رد: نظام دبل تراب للمتاجرة + ورشة العمل نظام عالى الجودة

        هذه بعض التدريبات السريعة للتعرف على الشروط الواجب ان تتوافر و بعض الملاحظات السريعة

        على الصورة ناخد تجهيز او اعداد بالارقام

        التجهيز او اعداد رقم 1
        كل الشروط صحيحة و كلها حصلت فى وقت واحد لكن الملاحظة هنا ان الشمعه التى ادت الى الشروط كانت قوية جدا و مجالها كبير يوجد بعدها شك و لكن يمكن المتاجرة طالما ملتزمين بوقف الخسارة

        التجهيز التانى رقم 2
        غير مطابق للشروط الشرط الخاص بى كيو كيو اى انه يكون قادم من فوق 50 و لكن هنا هو تحت 50 هذه الحالة ايضا يمكن المتاجرة بها مع انها عكس الشروط و لكن مع وقف خسارة اقل و سريع التحرك الى نقطة التعادل "هانعرف دا بعدين"

        التجهيز رقم 3
        صحيح ولكن ليس فى اول شمعه ظهر عليها سهم تقاطع 4 و 5 تم تفعيل الشرط الثانى فى الشمعه التالية اصبح الشروط الأن مكتملة

        التجهيز رقم 4
        صحيح كل الشروط فى نفس الشمعه يضاف عامل اخر و هو حدوث الشروط بعد الاصطدام ب موفنج 126 الخاص باليومى و هو يمثل 21 على اليومى

        التجهيز رقم 5
        غير صحيح الشرط الثانى لم يكتمل نبقى على الحالة الأخيرة و هى بيع

        التجهيز رقم 6
        ليس له اهمية علشان التجهيز الذى سبقه كان غير فعال و بالتالى ما زلنا على الحالة من التجهيز الرابع


        التجهيز رقم 1 يضعنا امام حالة احب اوضحها و مهمه
        كل ما كان الشموع بعيده عن الموفنج 5 المزاح بمقدار 5 و هو الخط الأزرق على الشارت ثم حصل ارتداد سريع غير عادى و كسره مره واحده تماما كما بالتجهيز رقم 1 لا يفضل ان ناخذ هذا التجهيز هانعمل باص
        لكن كل ما كان الدوران و الرجوع الى الموفنج بطىء و له شكل قيعان و يقترب السعر من الموفنج بالتدريج مع استمرار الموفنج متجه الى الأسفل يزيد الوضع هذا من النجاح كمافى التجهيز 3
        VSA TEAM
        LEARN TO TRADE WITH SMART MONEY
        STOP BEING A HERD TRADER

        هنا تجد فيديوهات الشرح
        هنا تجد فيديوهات التطبيقات على السوق



        قناة يوتيوب للعمليات الحية على السوق بأسلوب الفوليوم و المدى

        تعليق


        • #5
          رد: نظام دبل تراب للمتاجرة + ورشة العمل نظام عالى الجودة

          مشاء الله تبارك الله



          الله يزيدك وينور عليك




          انا معاك بأذن الله متابع وبأذن الله تكون فاتحه خير على الجميع




          بالتوفيق

          تعليق


          • #6
            رد: نظام دبل تراب للمتاجرة + ورشة العمل نظام عالى الجودة

            شكراُ لك ومتابعين معك أخي الكريم
            وَلِلحُرِّيَّةِ الحَمراءِ بابٌ بِكُلِّ يَدٍ مُضَرَّجَةٍ يُدَقُّ
            STOP LOSS IS MY
            FRIEND

            تعليق


            • #7
              رد: نظام دبل تراب للمتاجرة + ورشة العمل نظام عالى الجودة

              ما شاء الله عليك موضوع قيم و ثري و متعوب عليه

              ان شاء الله نتعلم مع بعض و نستفيد منك اخي الكريم

              و بلتوفيق

              تعليق


              • #8
                رد: نظام دبل تراب للمتاجرة + ورشة العمل نظام عالى الجودة

                موضوع قيم جدا ماشاء الله عليك صديقي
                وان شاء الله متابعمعك باستمرار

                تعليق


                • #9
                  رد: نظام دبل تراب للمتاجرة + ورشة العمل نظام عالى الجودة

                  موضوع جميل

                  بارك الله فيك واصل ونحن معك

                  تعليق


                  • #10
                    نظام المنشار

                    صباح الخير يا شباب الحمد لله ان الموضوع حظى باهتمامكم

                    معلش انا اتأخرت شوية اليوم
                    بس يلا نشتغل هانقول اليوم النظام التانى اللى هانحط عليه العمليات يلا علشان نلحق الفرص و نشتغل كله ينزل التملتات و نبدأ النقاش و خدوا الاول فرص على ديمو علشان تتعودوا على الموضوع و اللى يحب يشتغل بيه فى متاجرته

                    نبدأ بسم الله

                    نظام المنشار

                    هذا النظام هو اللى هايصطاد الفرص بعد ما عرفنا من نظام ربيليون هانعمل ايه

                    عندنا 3 شروط ايضا بس قبل الشروط نعرف المحتويات اللى فى الشارت

                    الأول : و بالترتيب
                    مؤشر ADX عندنا 3 خطوط
                    اخضر و اسمه +DI
                    احمر و اسمه –DI
                    الأبيض و هو ADX للقوة

                    المؤشر الثانى
                    مومانتيوم Momentum

                    المؤشر الثالث
                    MACD Histogram

                    نبدا الشروط

                    اول حاجه هانكون عرفنا من ريبيليون احنا رايحين فين فناخد المثال على اننا حصلنا على لونج اذا هانشترى بس مش هانبيع

                    يبقى نروح على 15 دقيقة

                    الشرط الأول
                    الخط الأخضر +DI يقطع الاحمر –DI

                    الشرط الثانى

                    يتعدى مومانتيوم الصفر

                    الشرط الثالث

                    يتعدى MACD الصفر

                    كل هذه الشروط لو اجتمعت مع شمعه تكون دى شمعه التجهيز طبعا هانستنى لما تغلق هذه الشمعه

                    هانضيف مؤشر كمان و هو موفينج 40 بسيط SMA مع كل هذه الشروط هايتحقق شرط رابع و هو ان شمعه التجهيز ستقطع ايضا موفنج 40 فى نفس الوقت

                    الملاحظات المهمة

                    اولا : النظر بالترتيب من اعلى الى اسفل يعنى اولا ADX ثانيا momentum ثالثا MACD
                    ثانيا: كل هذه الشروط تتحقق مع بعض او بالتدريج لكن فى حالة التدريج لا يجوز ان يتأخر MACD فى القطع
                    يعنى الصحيح ان MACD هو اول من يقطع اعلى الصفر ثم يأتى بعده الأخرين لكن اذا قطع ADX و Momentum و لكن MACD لم يقطع ثم قطع بعدهم لا يصح هذا التجهيز اما ان بقطعوا كلهم فى وقت واحد او بقطع اولا MACD ثم يقطع بعد ذلك كل من ADX و Mom

                    الصور ستوضح اكثر
                    هذه الصورة توضح حالة صحيحة بيع


                    هذه الصورة توضح حالة صحيحة شراء


                    ناخد الحالات
                    حالة القفز ... Jump start
                    حالة القفز عبارة عن مؤشر رقم 1 يكون فى وضعه مثلا بيع يعنى الخط الأحمر فوق الأخضر
                    المؤشر الثانى مومانتيوم يقفز فوق الصفر فى نفس الوقت يكون MACD مازال تحت الصفر ثم يقفز مره اخرى مومانتيوم تحت الصفر


                    الصورة الأخيرة توضح مثال بيع عادى فى تطبيق الشروط
                    الملفات المرفقة
                    VSA TEAM
                    LEARN TO TRADE WITH SMART MONEY
                    STOP BEING A HERD TRADER

                    هنا تجد فيديوهات الشرح
                    هنا تجد فيديوهات التطبيقات على السوق



                    قناة يوتيوب للعمليات الحية على السوق بأسلوب الفوليوم و المدى

                    تعليق


                    • #11
                      رد: نظام دبل تراب للمتاجرة + ورشة العمل نظام عالى الجودة

                      كدا خلصنا الشرح

                      نقول تانى الفكرة فى حد هايقولى انا ممكن استخدم المنشار بس على ربع ساعه من غير ما ادمج معاه نظام اربع ساعات

                      هاقوله مافيش مشكلة بس خلى بالك ان نظام اربع ساعات هايساعدك كتير انك تتخلص من فرص خاطئة على ربع ساعه اذا استخدمت المنشار فقط هاتتعرض لبعض الفرص الغير صحيحة مع الرغم من اكتمال الشروط لها علشان كدا احنا بنعرف الاتجاه الصحيح من نظام اربع ساعات و بيكون الربع ساعه هو فريم الفرص بس على اساس معين

                      اذا الحالة الوحيده اللى ممكن تخسر فيها هى حاله التصحيح يعنى ايه

                      يعنى لو ان اربع ساعات قالك خد بيع فقط مثلا و وجدت فرصة على منشار ربع ساعه و العمليه انتهت بوقف الخسارة دا مؤكد ان كان فى تصحيح او السعر هايقلب على اربع ساعات

                      علشان كدا انصح
                      1- طبق النظامين مع بعض هايكونوا اقوى و هايعملوا فلتر قوى على العمليات الخاطئة
                      2- ماتحولش تعدل فى النظامين ولا فى قيم المؤشرات هما كدا اقوى اداء ليهم لأنى جربت كل دا و لم اجد النتائج كما هى الأن

                      انا بوفر عليكو الوقت

                      المشاركة القادمة هاحط شوية صور من الأيام الماضية مش بعيد هى فى خلال الأسبوع اللى فات دا من يوم 7 فبراير توضح الفرص اللى كانت فى السوق

                      ارجو من الأخوه تنزيل المرفقات و بداية وضع صور و كله يكتشف عمليات جربوا النظام يا اخوانى و انا هتابع معاكم الفرص الحية

                      بالنسبة ل الاهداف و وقف الخسارة

                      الأهداف : اول طريقة ... 30 بنط هدف
                      الطريقة الثانية.... الهدف عند اول سعر رول "يعنى اصفار" يعنى لو دخلت مثلا على يورو/دولار شراء من عند سعر 1.3650 يبقى هدفك 1.3700

                      وقف الخسارة ...
                      الطريقة الأولى 30 بنط
                      الطريقة الثانية .... اول سوينج لو او سوينج هاى قبلك مباشرة

                      هانشوف الموضوع دا فى الأمثلة اللى هاضعها من العمليات اللى فاتت


                      وانتظرونى
                      VSA TEAM
                      LEARN TO TRADE WITH SMART MONEY
                      STOP BEING A HERD TRADER

                      هنا تجد فيديوهات الشرح
                      هنا تجد فيديوهات التطبيقات على السوق



                      قناة يوتيوب للعمليات الحية على السوق بأسلوب الفوليوم و المدى

                      تعليق


                      • #12
                        رد: نظام دبل تراب للمتاجرة + ورشة العمل نظام عالى الجودة

                        مشاء الله تبارك الله

                        مبدع



                        استمر وحنا معاك بأذن الله


                        نبي فرص حيه للمتابع والتطبيق


                        بارك الله فيك

                        تعليق


                        • #13
                          رد: نظام دبل تراب للمتاجرة + ورشة العمل نظام عالى الجودة

                          هناخد شوية امثلة متنوعة للدمج بين نظام ريبيلوين 4 ساعات و كيفية الاستفادة منه و اخذ التريدات على المنشار من الاتجاه المحدد من ريبيليون و نشوف كيف سيتم تطبيق ستوب لوس بطرقة صحيحة


                          VSA TEAM
                          LEARN TO TRADE WITH SMART MONEY
                          STOP BEING A HERD TRADER

                          هنا تجد فيديوهات الشرح
                          هنا تجد فيديوهات التطبيقات على السوق



                          قناة يوتيوب للعمليات الحية على السوق بأسلوب الفوليوم و المدى

                          تعليق


                          • #14
                            رد: نظام دبل تراب للمتاجرة + ورشة العمل نظام عالى الجودة

                            مرحبا اخ فهد فرص حيه عنيه حاضر :) بس ننزل التملتات و نتمرن و انا هاحط الفرص الحية و الأخوه هنا ايضا اللى يشوف فرص حيه يقول على طول :)
                            VSA TEAM
                            LEARN TO TRADE WITH SMART MONEY
                            STOP BEING A HERD TRADER

                            هنا تجد فيديوهات الشرح
                            هنا تجد فيديوهات التطبيقات على السوق



                            قناة يوتيوب للعمليات الحية على السوق بأسلوب الفوليوم و المدى

                            تعليق


                            • #15
                              رد: نظام دبل تراب للمتاجرة + ورشة العمل نظام عالى الجودة

                              هنا شوية فرص حصلت الأسبوع الماضى

                              يوم 7/2/2011 كان فى فرصة حية

                              نشوفها علشان نتعود على الشغل


                              VSA TEAM
                              LEARN TO TRADE WITH SMART MONEY
                              STOP BEING A HERD TRADER

                              هنا تجد فيديوهات الشرح
                              هنا تجد فيديوهات التطبيقات على السوق



                              قناة يوتيوب للعمليات الحية على السوق بأسلوب الفوليوم و المدى

                              تعليق

                              يعمل...
                              X