تويت
ياجماعة انا فى حيرة وارجوا منكم الافادة
انا ببحث عن عمل لانة قاعد من الشغل بقالى فترة كبيرة وجبت اخرى فلقيت اعلان لشركة اسمها تريدر فورايجبت الشركة دى بتشتغل فى الفوركس علمنا بانى لم يكن عندى اى خلفية عن حاجة اسمها فوركس .......... االشركة دى قلتلى احنا هنديك كورس لمدة 6 اسابيع بعد كدة هنكتب معاك عقد سنوى المهم ثمن الكورس دة 1800 جنية تسدد على ثلاث دفعات وبعدها هتشتغل فى الشركة بمرتب يبدا من 1500 فطبعا فرصة عظيمة ان صدقت لاننى محتاج للشغل جدا ومش لاقى شغل ولو على ثمن الكورس ممكن يدبر بس اضمن ان الكلام حقيقى وانا دلوقتى محتار ومش عارف اعمل اية اصدق وارمى تكالى على الله ولا الموضوع كلة نصب وانا بيتنصب عليا والدنيا اليومين دول مش مستحملة نصابين كمان وخايف اجزم ان الموضوع نصب وابعد عنة يكون الكلام بتاع الشركة حقيقى واكون ضيعت الفرصة على نفسى ارجوا من ادارة المنتدى المحترم او اى حد عندة افادة انة يفيدنى بالراى الصحيح ... استخير ربنا واتكل علية واكمل معاهم ولاابعد هنهم لانهم نصابين وارجوا منكم حاجة تانى لوحد سمع عن الشركة دى او لية تجربة معاهم يقولى عن تجربتة ..... وشكرا
-
التعديل الأخير تم بواسطة almsre; 2012 - 01 - 04, 05:23. -
رد: ياجماعة انا فى حيرة وارجوا منكم الافادة
اهلا بيك اخي الكريمالمشاركة الأصلية بواسطة booaref مشاهدة المشاركة
الحمد لله انك اردت ان تستفسر قبل ان تقع في الفخ
و الحمد لله انك وضعت اسمهم لكي يكونو مفضوحين امام الجميع
اولا و قبل كل شيء ارجو ان لا تقوم بوضع بريدك الالكتروني لان ذلك مخالف لقوانين المنتدي
ثانيا الموضوع نصب و ببساطة ما سيفعلوه انهم سياخذون اموالك و هي ثمن الكورس و طبعا المكان قوي و يحسسك انك في مكان رائع و شركة كبيرة و ناس بتتعامل بمنتهه الاحترام و بيقولولك يا تاخد معانا يا تاخد مع اي حد تحب تدرس معاه
بعد ما تاخذ الكروس ده اذا اخدت الكورس هيحصل حاجه من الاثنين اما ان الشركه هتقفل و تفتح باسم تاني و في مكان تاني و تعين نفس القصة من جديد
اما انهم سيقومون بوضعك في اختبار وهمي ( ما هو الاختبار )
لكي تعمل معنا يجب ان تقوم بعمل حساب تجريبي بقيمة 500 دولار و تحولة الي 2000 دولار في اقل من اسبوع و بشروط مستحيل تنفيذها و ده طبعا هيقولولك لنطمئن علي مستواك
طعا استحالة تحول 500 الي 2000 في اقل من اسبوع و طبعا في شروط مثلا مش عايزين صفقات خاسرة في الحساب وهيقولولك كلام كله وهم في وهم
في النهايه لن تاخذ شيء
هذا كل الموضوع و منشور في كل مكان علي الانترنت و لكن للاسف الكثير يقعون ضحايا للاغراءات الكثيرة بمرتب خيالي و عمل مريح
بالتوفيق لك اخي -
رد: ياجماعة انا فى حيرة وارجوا منكم الافادة
المشاركة الأصلية بواسطة booaref مشاهدة المشاركة
اهلا وسهلا بك عزيزي
انا هتحدث معك عن تجربة انا عشتها مع صديق لي من مثل هذه الشركات
وجد الاعلان في موقع كبير على النت والراتب 2000 جنيه شهريا والعمل 4ساعات في اليوم فقط
فذهب صديقي للتعرف على طبيعه العمل فوجد مثل ماقولت حضرتك كورس في الفوركس ثم العمل معهم والكورس ب600 جنيه فقط ثم يقوم بعمل اختبار بفتح حساب تجريبي بقيمة الف دولار وتحويله الى الفين في اسبوعين بشرط ان يكون مجموع الصفقات المفتوحه في المرة الواحده 10% من الحساب فقط
فطبعا ياعيني صاحبي راح الكورس و حضر الكورس واتعلم و في الاخر اخد الحساب و لكن لم يستطع الوصول للتارجت اللي هما عاوزينه فقالوله معلش احنا اسفين انت سقطت في الامتحان وخلصت القصه على كده وللعلم مفيش ولا واحد من اللي كانوا في الامتحان نجح
حذاري عزيزي من هذه الشركات
تعليق
-
رد: ياجماعة انا فى حيرة وارجوا منكم الافادة
اخى العزيز هذه النوعية من الشركات نصابين طبعا لانهم IB وليسو market maker صديق لى ذهب للعمل بهذه الشركة الموجوده بمدينه نصر على حد علمى . الفكرة كلها انك صعب توصل للتارجت لانك زى ما حضرتك قلت ليس لديك الخبرة الكافية . لذا انصحك بعدم الذهاب و بالصبر والاتكال على اللهتعليق
-
رد: ياجماعة انا فى حيرة وارجوا منكم الافادة
فعلا كويس انك سئلت والله اعلاناتهم مليانة فى الجرايد و للاسف كلها نصب فى نصب مش عارف الناس ديه بتحلل الفلوس اللى بتاخدها ديه ازاى و ازاى مسكوت عنهم كدهتعليق
تعليق