شرح برنامج الميتا تريد

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #16
    رد: شرح برنامج الميتا تريد

    بجد بجد بجد بجد شكرا مستر..
    هيما واسال الله ان لا يحرمك الاجر

    تعليق


    • #17
      رد: شرح برنامج الميتا تريد

      بارك الله فيك على هذا الشرح

      لا كن الا يوجد شرح لعمليه البيع والشراء والليمت والاستوب للميتا تريدر... وشكرا لكم

      تعليق


      • #18
        رد: شرح برنامج الميتا تريد

        يعطيك العافيه أخوي على هذا الشرح الجميل ولا يحرمك الأجر إن شاء الله

        وحبيت من بعد إذنك أضيف هذا الشرح

        لأخونا yassaf

        ولأخواننا المبتدئين

        وأرحب بأي ملاحظات أو تعديل على هذا الشرح

        مع العلم إن الشرح منقول للفائده

        شرح قائمة البيع والشراء وتحديد الربح ومعامل ايقاف الخسارة ونصيحة مني ابتدي بحساب افتراضي اولا لان الشرح مهما كان غير العملي ولما تشوف هتتعود وهتفهم كل الاشكال والتحليلات

        نبدأ شرح قائمة المتاجرة ان شاء الله



        ده الزرار اللي بيفتح القايمة دي او ممكن تفتح القايمة من الكيبورد من زرار F9 وده شكل القائمة


        نشرح بقا ايه ده بالترتيب ،فوق خالص هتلاقي العملتين اللي انت شغال عليهم وده عشان تتأكد انك شغال فعلا في العملتين اللي انت عايزهم احسن تكون ضغطت الزرار في شارت غير اللي انت عايزه بص عليها عشان تعرف انت شغال في انهي عملتين

        بعدها في حجم الصفقة ودي اللي بتحدد انت هتتاجر بأد ايه ،احنا قلنا ان اللوت الكامل يساوي 100000 مئة الف دولار هتلاقي بقه احجام 0.10 ، 0.20 ، 0.50 ودي معناها انك تتاجر بجزء من اللوت الاصلي اللي هو 100000 وكدة يبقى انت بتتاجر في 10000 ، 20000 ، 50000 بالترتيب ،جدير بالذكر ان اللوت في الاكاونت الستاندرد حجم النقطة فيه يساوي 10 $ يبقى صفقة بحجم 0.10 هيكون حجم النقطة فيها 1$ وصفقة بحجم 8.0 اللي هو اكبر صفقة ممكن تفتحها حجم النقطة فيها هيساوي 80$ اما الاكاونت الميني ( الحساب المصغر ) فحجم اللوت فيه 1000 واقل حجم 0.10 اللي بيساوي المتاجرة ب100 $ وحجم النقطة في اللوت الكامل 0.10$ يعني 10 سنت وفي اصغر صفقة 0.10 بيساوي 0.01 $ يعني 1 سنت وفي اكبر صفقة اللي هي 8.0 بيساوي 0.80 يعني 80 سنت يعني دولار الا عشرين سنت .

        بعد حجم الصفقة في امرين
        الاول ايقاف الخسارة : ده امر مهم جدا بتستخدمه عشان توقف خسارتك وده بتحدد فيه تقريبا مدى الانحراف اللي ممكن توصلوا الصفقة وساعتها يبقى بلا رجعة وده لازم على الاقل يبقى اقل من سعر السوق بعشر نقط عشان البرنامج يقبله بس نصيحتي انا لما تستخدم الامر ده ادي صفقتك براح شوية لان فيه ساعات ما يطلق عليه مطبات او شوكات السعر ودي بتبقى نزول او ارتفاع عكس الحركة الطبيعية وبعدها يرجع للحركة الطبيعية

        التاني اخذ الربح : الامر ده للمتاجرة الاوتوماتيكية عشان لما توصل الصفقة لسعر معين يكتفي البرنامج ويقفلك الصفقة على الربح ده وده امر كويس بس لما تحدده تحدده اعلى من السعر اللي انت متوقعه بعشر نقط عشان لو كمل ارتفاع اما لو وصل للسعر اللي انت متوقعه وبدأ ينزل اقفل الصفقة يدويا ، وبرضه هو زي امر الخسارة لازم يبقى في عشر نقط من سعر السوق الحالي

        حاجة مهمة لما تفتح صفقة شراء امر ايقاف الخسارة بيبقى عند سعر اقل من سعر السوق بعشر نقط زي ما قلنا وامر اخذ الربح بيبقى فوق سعر السوق بعشر نقط اما عند فتح صفقة بيع فيبقى امر ايقاف الخسارة اعلى من سعر السوق بعشر نقط وامر اخذ الربح اقل من سعر السوق بعشر نقط لانك المرة دي مكسبك في نزول السعر مش ارتفاعه وبارتفاعه يبقى عندك خسارة

        بعدها في التعليق لو عايز تكتب حاجة عن الصفقة تفكرك بيها مثلا لو الصفقة انت ناوي تطول فيها وبعده في قايمة اسمها النوع ودي فيها تنفيذ مباشر او امر معلق وحاليا انت بتستخدم تنفيذ مباشر والامر المعلق هنشرحه لاحقا

        بعدها فيه سعر الشراء وسعر البيع وفي مابينهم الفرق اللي الشركة محدداه لربحها اللي هو في حالة اليورو نقطتين بس انما في حالة الجنيه الاسترليني 3 نقط وفي اوقات بيوصل 6 نقط في صفقات تانية والسعرين دول مرسومين برسم بياني في الجنب سعر الشراء بالازرق وسعر البيع بالاحمر

        بعد كدة فتح الصفقة اما بيع او شراء ومن هنا تبتدي صفقتك تظهر في نافذة المتاجرة مع حساب ارباحك او خسارتك زي ما شرحناها قبل كدة
        تحت الزرارين بتوع البيع والشرا في علامة مكتوب جنبها اتاحة الحد الاقصى من الانحرافات من السعر المعطاة ودي يا سيدي شغلتها انك ساعات وانت بتشتري الصفقة سعرها بيتغير وانت بتعمل الامر فدي بتسمح بتغيير كام نقطة في السعر ولو مش مستخدمها والسعر اتغير ساعتها هيطلعلك رسالة ان السعر اتغير وهل عايز تشتري بالسعر ده ولا لأ

        كدة يبقى شرحنا نافذة الامر الجديد او فتح صفقة ويبقى فاضل ازاي نفقل الصفقة بعد فتح الصفقة بتظهر عندك في نافذة المتاجرة او اللي قلنا عليها وصلة التاجر وعشان تقفل الصفقة لازم تعمل الاتي هتضغط كليك يمين على الصفقة وتختار اغلاق الأمر


        بعدها هتظهرلك قايمة الامر الجديد تاني بس مع تعديل بسيط

        هو وجود زرار اغلاق الصفقة وده بتضغط عليه ليتم اغلاق الصفقة فوريا

        من ضمن اللي يجب شرحه هو الاوامر المعلقة وده امر بتحدد في سعر بيع لما يوصلوا السوق البرنامج بيشتري اوتوماتيك او سعر بيع لما السوق يوصلوا البرنامج يبيع اوتوماتيك والامر المعلق زي الامر العادي بالظبط وبيشتغل بنفس الطريقة يعني اضغط F9 مع فرق اختيار طلب معلق من قائمة النوع ودي بتظهرلك قايمة تانية تحدد فيها السعر اللي انت منتظر السوق يوصلوا وعايز البرنامج يشتري ولا يبيع وعايز تشتري او تبيع قد ايه وهل انت عايز تشغل امر ايقاف الخسارة او اخذ الربح يعني زي الامر العادي بالظبط مع فرق انه معلق على شرط هو وصول سعر السوق للسعر اللي انت محدده ودي صورة من قايمة الامر المعلق

        وزي ما انت شايف الموضوع مش مختلف الا في ان الامر معلق للتنفيذ لاحقا بشرط


        أتمنى إني وفقت بنقل الشرح

        إن أصبت فهو توفيق من الله وإن أخطاءت فهو مني ومن الشيطان

        تعليق


        • #19
          رد: شرح برنامج الميتا تريد

          :angelic::angelic:مجهود تشكر عليه ويدل على حبك لاخوانك في المنتدى وبارك الله فيك:angelic::angelic:
          لا اله الا الله وحده لا شريك له . له الملك وله الحمد يحيي ويميت وهو على كل شي قدير

          تعليق


          • #20
            رد: شرح برنامج الميتا تريد

            شكرا لك اخي المقتحم على شرحك الوافي وردك على سؤال اخونا العزيز yassaf

            وهذا هو المضارب العربي فعلا حب بين الاعضاء خدمه الاعضاء بعضها لبعض

            جزاك الله كل خير

            تعليق


            • #21
              رد: شرح برنامج الميتا تريد

              تسلم ياغالى
              اللهم ابعد عنا الكول مارجن وضرب الاستوبات . وارزقنا بترند ووفقنا فى كل العمليات .. وقربنا للبروفيت وابعد عنا الارتدادات ... واجعلنا من المؤهلين فى كل التصفيات ...ولا تشمت فينا برنانكى بتاع التلات ورقات ... وارزقنا بدعم مكسور واذل من طريقنا المقاومات .واكفينا شر الاشارات الكاذبه من الاستوكاستك وجميع المؤشرات .
              اللهم اجعل ارباحنا كلاسيكيه .واهدافنا كلها سوينجيه ..واجعلنا نخطف الدولارات من الموجات الاليوتيه ووفق تحليلنا مع كل الطرق الرقميه .... اللهم أميــــــــــــــــــــــــــــــــن

              تعليق


              • #22
                رد: شرح برنامج الميتا تريد

                ما شاء الله عليك اخي ابراهيم
                شرح جميل و مجهود رائع

                تعليق


                • #23
                  رد: شرح برنامج الميتا تريد

                  شكرا على الشرح
                  بسم الله الرحمان الرحيم
                  اللهم غفرانك ربي يا أرحم الراحمين

                  تعليق


                  • #24
                    رد: شرح برنامج الميتا تريد

                    بارك الله فيك اخي الغالي

                    تعليق


                    • #25
                      رد: شرح برنامج الميتا تريد

                      بارك الله فيك اخى الكريم يعطيك العافية يا غااالي
                      التعديل الأخير تم بواسطة CASHU; 2013 - 12 - 18, 14:16.

                      تعليق


                      • #26
                        رد: شرح برنامج الميتا تريد

                        بسم الله ما شاء الله , لا حول و لا قوه الا بالله

                        تعليق


                        • #27
                          رد: شرح برنامج الميتا تريد

                          يعطيك العافية

                          تعليق


                          • #28
                            رد: شرح برنامج الميتا تريد

                            جزاك الله خير
                            بس ممكن سؤال
                            امر وقف الخسارة مين فين
                            وتحديد الإهداف من فين
                            وشكرا

                            تعليق


                            • #29
                              رد: شرح برنامج الميتا تريد

                              شرح ممتاز ولاكن انا لي طلب من حضرتك ياريت لو شرح كيف اضع الامر المعلق لي بتحصلي حالة لخبط في وضع الامر المعلق وشكرا ليك استاز هيما
                              الحمدلله

                              تعليق


                              • #30
                                رد: شرح برنامج الميتا تريد

                                شرح محترم من راجل محترم
                                بس لو تخدم اخوك وتقول لي ازاي ادخل على حسابي في الميتا تريد من جهاز آخر
                                يكون لك الشكر الجزيل

                                تعليق

                                يعمل...
                                X