أقوي سلسلة شروحات الأدوات الأخبارية - ( الجزء الأول )

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أقوي سلسلة شروحات الأدوات الأخبارية - ( الجزء الأول )

    بسم الله الرحمن الرحيم

    بسم الله توكلت على الله ولا حول ولا قوة الا بالله العلي العظيم

    أن شاء الله انا هعمل سلسلة شروحات للادوات الأخبارية بمعنى الادوات اللى بتساعدنا فى التحليل الأخباري و المداولة عليه و باذن الله الشروحات هتبقى جديدة من نوعها و شرحها بالتفصيل الممل علشان كل ممبتدئ يبقى فاهم معانا كويس و هنبتدى فيها من السهل للصعب

    أولا : السلسة هتكون مواضيع مفردة من استكمال موضوع الدورة الخاص بى فى اللينك ده

    بسم الله الرحمن الرحيم بسم الله توكلت على الله ولا حول ولا قوة الا بالله العلي العظيم ان شاء الله هيكون الموضوع فى عدة نقاط اهمها و قبل كل حاجة هيكون الموضوع على قد ما أقدر يكون ( بالصور ) - نبذة عن الفوركس - شرح كامل بالتفصيل للتحليل الفني - شرح التحليل الاخباري - شرح المؤشرات الفنية - شرح


    و ده بشرح فيه كل حاجة بالصور بردوة بس علشان اهمية الادوات هحطها بردوة فى مواضيع منفصلة

    نبتدى على بركة الله

  • #2
    رد: أقوي سلسلة شروحات الأدوات الأخبارية - ( الجزء الأول )

    الأداة الأولي

    موقع فوركس فاكتوري

    www.forexfactory.com



    و ده اللى هنبنى عليه شغلنا كله بعد كده و ده المصدر الرئيسى فى مواعيد الاخبار و اهميتها و تأثيرها على السوق و العملات

    الاول هنفتح الموقع عادى من اللينك ده

    www.forexfactory.com

    هيفتح معانا بالشكل ده



    دلوقتى قبل اى حاجة نظبط ساعة الموقع على ساعتنا علشان نبقى ماشين صح مع الموقع

    من البانر العلوى للموقع فوق هنلاقى موجود الساعة



    بعد كده هندوس على الساعة و هيفتح معانا الصفحة ديه



    من المكان ده هنقدر نغير مواعيد الساعة بتاعتنا على الموقع و كل واحد طبعا بيختار الساعة التابع لها



    كده احنا تمام لحد دلوقتى نرجع بقى للصفحة الرئيسية للموقع علشان نشرحه حاجة حاجة ونفهم نقدر نستفيد ازاى من الموقع باقصى طريقة ممكنة

    لما نرجع للصفحة الرئيسة بعد تغيير الوقت و ظبطه هنلاقى المربع ده



    دلوقتى هشرحه حاجة حاجة بالتفصيل الممل الممل يعنى قوى هتزهقوا منى قوى يعنى



    ده التاريخ يعنى ده كده معناه 21 فبراير و ديه علشان تعرف احنا شايفين اخبار يوم كام بالظبط لاننا شوية و هنعرف اننا نقدر نعرف كل الاخبار اللى هتحصل قدام مش فى وقتها بس

    المهم نكمل



    ديه بقى مواعيد الاخبار طبعا ده بساعتنا احنا علشان كده احنا ظبطنا الساعة فى الاول يعنى مثلا الساعة 3.30 يعنى الخبر ده معاده 3 ونص بتوقيتنا اللى ظبطنا عليه و فى الشرح احنا شغالين على توقيت مصر ( أم الدنيا )



    ديه بقى العملات اللى هيكون عليها الخبر ( طبعا تنبيه احنا الصورة الرئيسة انا حاططها فوق انا دلوقتى بقسمها لحتة حتة علشان نفهم كل حاجة لوحدها )
    المهم ديه بقى العملات اللى هيكون عليها الخبر اذا كان دولار او يورو او كده يعنى



    تعليق


    • #3
      رد: أقوي سلسلة شروحات الأدوات الأخبارية - ( الجزء الأول )

      دلوقتى طبعا بعد خانة العملات هنلاقى الوان كده أحمر و برتقالى و أصفر و ساعات بتبقى أبيض فانا دلوقتى هشرح ايه الالوان ديه بتعبر عن ايه نمشى مع بعض بقى ( قولت بالتفصيل الممل الرخم يعنى )

      اللون ( الأحمر )


      ديه بقى يعنى أن الخبر مهم جدا جدا جدا و قوى و ده معناه ان الخبر بيكون تأثيره قوى على السوق فالعملة اللى هيكون عليها الخبر يعنى نشوف زى الصورة أول خبر معانا

      نرتيب ازاى بيانات الخبر هيكون بالشكل ده :


      يوم الخبر : 21 فبراير
      وقت الخبر : 2.30 صباحاً بتوقت مصر و ده طبعا لانى ظبطت توقيت مصر على الموقع
      العملة الخاص بيها الخبر : الاسترالي بمعنى ان الخبر هيأثر على اى زوج فيه العملة ديه .
      أهمية الخبر : هنلاقى اللون الأحمر يعنى الخبر مهم و لازم ناخد بالنا منه قوى.

      - - - - - - - - -

      ناخد بقى اللون اللى بعديه اللون ( البرتقالى )



      اللون البرتقالى بيعبر عن ان الخبر متوسط الاهمية و طبعنا هنعمل نفس اللى عملناه فوق مع الخبر الاحمر بالنسبة لما نحب نترجم يعنى العملة ووقت الخبر و كده

      - - - - - - - - -

      ناخد بقى اللون اللى بعديه اللون ( الأصفر )



      اللون الأصفر بيعبر ان الخبر ضعيف على العملة مش زى الأحمر و البرتقالى

      - - - - - - - - -

      ناخد بقى اللون اللى بعديه اللون ( الأبيض )



      اللون الأبيض معناه ان بنوك العملة ديه اجازة و ساعتها ماننصحش اننا نشتغل فى فترة سوق العملة يعنى زا المثال أن البنوك الأمريكية أجازة يبقى نخلى بالنا فى فترة السوق الأمريكي و هيبقى فى تذبذب قوى





      تعليق


      • #4
        رد: أقوي سلسلة شروحات الأدوات الأخبارية - ( الجزء الأول )



        ديه بقى خانة البيانات الخاصة بالخبر يعنى مثلا الخبر ده بيتكلم عن ايه بالظبط و تفاصيل اكثر عنه فى كل حاجة كان اخر ميعاد امتى و اخر نتايجه و هكذا يعنى

        طيب لما نحب نعرف هنعرف ازاى اقولك انا انت كل اللى هتعمله هتدوس على المربع الأزرق قدام الخبر اللى تحبه و هيفتح معاك بالطريقة ديه



        ديه مثلا انا فتح معلومات خبر متوسط الأهمية على عملة الين هنلاقى كل حاجة مكتوبة عنه
        ( اكيد مش هقراها و اترجمها هنا كمان )

        نبص بقى بعد خانة التفاصيل هنلاقى الشكل ده



        طيب ده معناه ايه ياعم الحج نشوف مع بعض

        Actual : و ديه نتيجة الخبر لما يظهر فى وقتها بتننزل فيها على طول علشان نعرف الخبر جيه كويس على العملة ولا وحش ولا زى ماهو ماتغيرش ازاى بقى نشوف مع بعض



        لما نلاقى الخبر ظهر كده باللون الأخضر ده معناه ان الخبر جيه فى صالح العملة و انه المفترض يعلى سعر يعنى صعود يعنى شراء العملة ديه فى وقت الخبر قدام اى عملة اخري

        طيب ولو جيه كده



        لو جيه النتيجة باللون الأحمر يعنى ديه بقى معناه ان الخبر جيه سلبى على العملة يعنى عملية هبوط وبيع للعملة ديه قدام اى عملة أخري

        - - - - - - - - -

        نشوف بقى الخانة اللى بعديها

        Forecast : ديه بقى المتوقع للخبر يعنى النتيجة المتوقعة له

        - - - - - - - - -

        اللى بعديها

        Previous : و ديه نتيجة الخبر قبل كده كان وصل لايه

        - - - - - - - - -

        ندخل بقى على حتى صغيرة كده ماحنا قولنا ممل ممل يعنى



        ديه بقى الفلتر يعنى ايه بقى الفلتر ديه ياعم الحاج و نعمل بيه ايه
        تقدر تختار العملات اللى عايز يظهر الخبر بتاعها بس و كمان تقدر تختار نوع الخبر اللى يظهر اذا كان قوى او متوسط او ضعيف او أجازات البنوك

        تعليق


        • #5
          رد: أقوي سلسلة شروحات الأدوات الأخبارية - ( الجزء الأول )

          طيب دلوقتى عرفنا كل حاجة عايزين نشوف بقى ازاى مثلا نقدر نعرف اخبار الايام و الاسبوع و الشهور اللى فاتت نشوف بالصور

          فى اعلى الصفحة من فوق هنلاقى الشكل ده



          هندوس على كلمة Calender

          هيظهرلنا الشكل ده



          و ديه زى ماحنا شايفين الآخبار السابقة و نتائجها طبعا

          - - - - - - - - -

          طيب احنا عايزين دلوقتى نعرف ازاى بقى هنجيب الأخبار الجديدة كلها و نعرفها هقولك ليها طريقيتن و الاتنين واحد بس هشرحهم بردوة

          الطريقة الأولي

          و احنا فاتحين صفحة Clander

          هنلاقى فى الجنب الشمال فى جدول بالشكل ده



          ده بقى نقدر من خلاله نعرف الاخبار فى اى شهر احنا عايزينه و معادها امتى او اليوم الجاى و هكذا

          - - - - - - - - -

          الطريقة الثانية

          و احنا فى الصفحة الرئيسة برة هنلاقى على الشمال الجدول ده



          لو دوسنا على السطر اللى معلم عليه ده هيفتح بالشكل ده



          هتلاقيه قام بالواجب و جابلك اخبار الاسبوع الجاي و كده يبقى عرفنا نجيب اخبار اليوم و الاسبوع الجايين

          تعليق


          • #6
            رد: أقوي سلسلة شروحات الأدوات الأخبارية - ( الجزء الأول )

            ديه بقى شوية حاجات كده مفيدة فى الموقع احطها علشان نبقى عارفينها



            و ديه شرح للكلام اللى انا شرحته قبل كده بردوة و شرح الاشكال فى الموقع و كل حاجة عنها فى الاخبار



            ديه rate البنوك المركزية للعملات

            - - - - - - - - -

            دلوقتى واحنا برة فى الصفحة الرئيسة ننزل تحت فى أخر الصفحة هنلاقى المربيعن دول



            ده بيانات عن حركة العملات مباشرة من على الموقع بس اهم حاجة نعلم صح فى خانة Live

            و نقدر نشوف الهاى و اللو بتاعهم بردوة

            - - - - - - - - -

            المربع الثاني



            و ديه بردوة نعلم على Live علشان ده هيبين لنا احنا شغالين فى سوق ايه دلوقتى و السوق التالى هيفتح امتى و هيقفل امتى و هكذا





            تعليق


            • #7
              رد: أقوي سلسلة شروحات الأدوات الأخبارية - ( الجزء الأول )

              دلوقتى بقى نشوف تأثر خبر قوى على الشارت بيبقى عامل ازاى اهو بردوة علشان يبقى شوفنا كل حاجة و ظبطنا تمام

              نشوف كده الاول



              انا اختارت خبر الوظائف و ده على الدولار الامريكي و الخبر باللون الأحمر يعنى زى ماقولنا خبر قوى و مؤثر على العملة بشكل قوى

              نشوف ان نتيجة الخبر جت اخضر و جت قوية يبقى زى ماقولنا ان كده المفروض يحصل صعود للدولار و هبوط اى عملة اخرى امامه يعنى المفروض بنشتري الدولار قدام اى عملة و نبيع اى عملة قدام الدولار طيب نشوف بقى ازاى الخبر ده أثر على الشارت

              هقتح شارت اليورو دولار



              شوفوا اليورو قدام الدولار حصله هبوط ازاى علشان ده معناه ان الدولار على و حالة الشراء عليه كتيرة

              ( انا اخدت من الخبر ده فى دقيقة واحدة 100 دولار و خرجت هوا )

              طيب نشوف بقى الدولار قدام الفرانك مثلاوقت الخبر حصل ايه



              اوووبا يارجالة الدولار شوفوا الدولار نط نطة حلوة و محترمة

              - - - - - - - - -

              حد يسئلنى ويقولى ليه انا فاتح على شارت النص ساعة ، اوضح بقى ده لان الخبر كان 3.30 ونص فكده بقى نفتح على شارت النص ساعة

              طيب لو الخبر مثلا جاى الساعة 4 يبقى نفتح شارت الساعة تمام يارجالة

              تعليق


              • #8
                رد: أقوي سلسلة شروحات الأدوات الأخبارية - ( الجزء الأول )

                كده اكون خلصت شرح أول اداة و أن شاء الله الباقى هيكونوا مفاجاة .. منتظر تعليقاتكم على الشرح

                تعليق


                • #9
                  رد: أقوي سلسلة شروحات الأدوات الأخبارية - ( الجزء الأول )

                  ‏*‏ توضيح بسيط : بالنسبة لشرح التحليل الاخباري نظري وكك حاجة عنه فده موجود في لينك الدورة فوق , انما الشرح لتطبيق الكلام وفهمه عمليا

                  تعليق


                  • #10
                    رد: أقوي سلسلة شروحات الأدوات الأخبارية - ( الجزء الأول )

                    سيتم استكمال الجزء الثاني النهادرة باذن الله

                    تعليق


                    • #11
                      رد: أقوي سلسلة شروحات الأدوات الأخبارية - ( الجزء الأول )

                      الف شكر لك حبيبى

                      شرح رائع




                      فتح حساب فوركس اسلامي معنا المميزات و الخطوات

                      تعليق


                      • #12
                        رد: أقوي سلسلة شروحات الأدوات الأخبارية - ( الجزء الأول )

                        المشاركة الأصلية بواسطة خالد مصطفى مشاهدة المشاركة
                        الف شكر لك حبيبى

                        شرح رائع
                        تسلم حبيبي نورتني

                        تعليق


                        • #13
                          رد: أقوي سلسلة شروحات الأدوات الأخبارية - ( الجزء الأول )

                          شكرا يا برنس
                          متابع معاك

                          تعليق


                          • #14
                            رد: أقوي سلسلة شروحات الأدوات الأخبارية - ( الجزء الأول )

                            المشاركة الأصلية بواسطة جيفر مشاهدة المشاركة
                            شكرا يا برنس
                            متابع معاك
                            العفو ياريس و منورنى

                            تعليق


                            • #15
                              رد: أقوي سلسلة شروحات الأدوات الأخبارية - ( الجزء الأول )

                              شرح رائع ، شغال على موقع فوركس فاكتور بس اول مره اعرف المميزه اللى فيه دى كلها .. البركه فيك

                              تعليق

                              يعمل...
                              X