و اخيرا ...... هانتعلم الماركت بروفايل

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • و اخيرا ...... هانتعلم الماركت بروفايل

    السلام عليكم

    بصراحة انا زهقت

    كل مواضيع الماركت بروفايل مقطوعة فجأة مش عارف ليه

    ايه يعني مش هنتعلمه ؟؟؟

    لا طبعا هنتعلمه

    بس عارفين ايه المشكلة

    ان احنا دايما عايزين اللي يعلمنا

    عايزين دايما نبتدي من حيث انتهي الاخرون

    طبعا ده شئ كويس بس افرض مفيش (( اخرون )) تكمل من بعدهم ايه هاتقعد ساكت


    انا اعلن اني زهقت من كتر البحث عن الاخرين علشان اكمل من بعدهم و قررت خلاص اتعلم بنفسي

    انا بقالي اكتر من 8 شهور من ساعة ما سمعت عن الماركت بروفايل و ادواته و انا كل ما الاقي موضوع انزل كل اللي فيه سواء مؤشر او كتاب او اي حاجة و مجمعهم عندي في فولدر

    فقررت اني بقي لازم ادرس الفولدر ده


    اولا الماركت بروفايل ده نظام شغل و ليس استراتيجية معينة و هو هايحسن كتير من اداء استراتيجيتك

    يعني انا مثلا شغال بأستراتيجيات دكتور جمال ممدوح و الحمد لله ناجحة بنسبة 100% و الحمد لله فقط لمن يلتزم بالشروط


    بس انا بقي عايز ازود مثلا نسبتها ل 200% واحد هيسألني ازاي 200%
    هاقوله ((( الوقت و نسبة المخاطرة))


    يعني اكسبيرت الرينج مثلا بتاع دكتور جمال عمل مليون من 10 الاف في سنة انا بقي عايز اعمل مليون من 100 دولار في 6 شهور هاهااهاها

    فهمنا اهمية الماركت بروفايل بقي ايه

    المهم انا عايز اتعلم ..... طب ناقصك ايه و ما اتعلمتش ليه يا عم زيلينكو و الفولدر عندك من زمان

    المشكلة في اللغة و الوقت

    يعني علشان اقرا كتاب بالانجليزي و افهمه زي مايند اوفر ماركت 350 صفحة شوف هاخد وقت اد ايه و هي دي العقبة الاولي

    اما العقبة التانية : ان كل البرامج اللي بتدي معلومات الماركت بروفايل بفلوس و طبعا كلنا عايزين نكسب من غير ما ندفع شلن هاهاها

    و النقطة دي لها حلها ان شاء الله بس نتعلم الاول و نفهم ماركت بروفايل بعد كدة نشتغل

    طب يبقي المشكلة في العقبة الاولي و دي حلها الاتي :: و هو ده اللي خلاني افتح الموضوع ده

    دلوقتي انا هارفعلكم الحاجات اللي بالعربي اللي عندي عن الماركت بروفايل و لكنها حاجات تعتبر مقدمات

    امال العلم التقيل فين ؟؟؟
    في الكتب


    و انا عندي 8 كتب من اهم ما كتب في الماركت بروفايل

    و هم
    CBOT - A Six-Part Study Guide to Market Profile

    Dynamic_Trading_Indicators_-_Winning_with_Value_Charts_and_Price_Action_Profil e_-_Stendahl,_David_&_Helweg,_Mark

    market in profile

    Market_Profile_Basics


    Mind over Markets

    Steidlmayer on Markets


    value d_power_trading



    ان شاء الله لو ربنا كرمنا و قرأنا و فهمنا الكتب دي ده هيكون انجاز كبير جدا جدا جدا جدا

    و بعدها نبقي نخش علي الشغل العملي

    و عندي برضه فيديوهات عربي و انجليزي هابقي ارفعها بس بعدين


    الخلاصة ايه الخطوات التنظيمية دلوقتي للموضوع ده

    1- هارفعلكم الحاجات اللي بالعربي عندي تقرؤها و تاخدوا فكرة

    2- ((((و دي اهم نقطة))) عايز مترجمين فوركسيين من انجليزي لعربي و يفضل لو يكون عددنا مش اقل من عشرة و لو فيه زيادة خير و بركة و يكونوا عندهم بعض المعرفة بالورد او البي دي اف و كمان يقدروا يكتبوا علي الصور و يرفقوها مع الترجمة و اعتقد منتدانا فيه الاف الاعضاء فياريت لو يطلعلنا 10 او 20 مترجم و ان شاء الله ناخد كتاب كتاب يعني مثلا اكبر كتاب هو مايند اوفر ماركت 350 صفحة يعني لو فيه 20 مترجم يبقي كل واحد هيترجم 17 صفحة بس قول يترجمهم مثلا في اسبوع و هكذا حتي ننتهي من جميع الكتب

    3- و في هذه الاثناء هبقي ارفع باقي الفيديوها العربي اللي عندي

    4- و بعد ما نتعلم و نترجم الكتب و نفهم صح ان شاء الله حوار البرنامج ده حله سهل جدا جدا جدا



    و ان شاء الله الترجمة هاتبدا من اول العيد لأن دلوقتي العشرة الاواخر من رمضان و مش عايزين نضيعهم


    دلوقتي المطلوب الناس اللي هاتتتطوع للترجمة تكتبلي اسمها و تجميع الاسماء هيبدأ من الان و حتي اخر رمضان بعد كدة نبدا بتقسيم الشغل

    طلبي محدد


    (((((( مترجمين و فوركسيين و عايزين يتعلموا ماركت بروفايل و عندهم صبر و يحترمون وعودهم )))))

    اي شخص فيه الصفات دي مجتمعة يقوللي و يكتب اسمه في الموضوع

    و اول ما يكمل الجروب تبدا الترجمة ثم التعلم النظري ثم التطبيق العملي


    ارجوكم ما تكسفونيش و الاقي في الاخر معايا 2 مترجمين بس من كل المنتدي

    انا الموضوع ده هاحطه في كذا منتدي تاني علشان اجمع اكبر قدر من المترجمين


    اتفضلوا ادي الحاجات اللي بالعربي







    الموضوع دلوقتي في ستة منتديات لو كل منتدي ترجمله كتاب هيبقي انجاز رهيب


    طب بصوا فيه فكرة ممكن نعملها علشان الناس اللي مستصعبة الموضوع

    الا و هي الترجمة الصوتية يعني كل اخ لما ياخد الجزء بتاعه يقرأ و يترجم مثلا بأنه يكتب الترجمة بأيده في كراسة خارجية بخط ايده و بعد كدة يسجل عن طريق المايك و يقرأ اللي هو كتبه و ترجمه بدل ما الناس تقعد تكتب كل الكلام اللي ترجموه علي الورد من اول و جديد يبقي المترجم هيترجم و بعد كدة يسجل بصوته اللي ترجمه بدل ما يكتبه

    يا رب الفكرة دي تشجع الناس

    لغاية دلوقتي و لا مترجم

    انت عارفين اجمالي كل صفحات الكتب كام

    340
    120
    225
    8
    350
    240
    235
    120

    يعني اجمالي كل الصفحات اللي في كل الكتب يساوي 1640 صفحة و انا زي ما قلت انا حاطط الموضوع ده في ستة منتديات و لو كل منتدي طلعلي بس 10 مترجمين يبقي معايا 60 مترجم يبقي نصيب كل مترجم 27 صفحة بس

    منهم اصلا صفحات فهرس و صفحات حشو يعني هيصفصفوا علي 20 صفحة بس لكل مترجم

    ربنا يوفقنا



    منتظر المترجمين

  • #2
    رد: و اخيرا ...... هانتعلم الماركت بروفايل

    اهلا بيك يباشا انا وراك على طول وين رحت الحقك ههههههه انا بديت بقراءة الكتب العربية ان شاء الله نلقى مترجمين على شان نكمل هذ المشروع بالتوفيق ياريس

    تعليق


    • #3
      رد: و اخيرا ...... هانتعلم الماركت بروفايل

      انا قرأت كثير في الماركت بروفيل لكن ولا مرة خلصت الموضوع للاخر فعلا

      فانا هحاول اني اساعد معاك في موضوع الترجمة ده وربنا يكرم

      تعليق


      • #4
        رد: و اخيرا ...... هانتعلم الماركت بروفايل

        المشاركة الأصلية بواسطة hemaaa20032004 مشاهدة المشاركة
        انا قرأت كثير في الماركت بروفيل لكن ولا مرة خلصت الموضوع للاخر فعلا

        فانا هحاول اني اساعد معاك في موضوع الترجمة ده وربنا يكرم
        الحمد لله ادي اول مترجم هنا

        تعليق


        • #5
          رد: و اخيرا ...... هانتعلم الماركت بروفايل

          المشاركة الأصلية بواسطة hemaaa20032004 مشاهدة المشاركة
          انا قرأت كثير في الماركت بروفيل لكن ولا مرة خلصت الموضوع للاخر فعلا

          فانا هحاول اني اساعد معاك في موضوع الترجمة ده وربنا يكرم
          الله يبارك فيك يا استاذ هيما انت ما تتخيلش الموضوع ده راح يفيدنا قد ايه ربي يجازيك كل خير

          تعليق


          • #6
            رد: و اخيرا ...... هانتعلم الماركت بروفايل

            موفق أخي الغالي كان نفسي اساعدك
            بس السنة دي عندي التخرج و عندي حاجة تانية ان شاء الله
            ومش حيبقى لي وقت كفاية للترجمة ممكن في الصيف اترجم لكم الباقي على الاخوة الكرام

            تعليق


            • #7
              رد: و اخيرا ...... هانتعلم الماركت بروفايل

              يلا بدها همة ياشباب

              تعليق


              • #8
                رد: و اخيرا ...... هانتعلم الماركت بروفايل

                موفقين اخواني ومتابعين معاكم

                تعليق


                • #9
                  رد: و اخيرا ...... هانتعلم الماركت بروفايل

                  ايه يا جدعان فيه ايه طب بلاش عشرة مترجمين كفاية خمسة

                  بس حد يديني امل

                  تعليق


                  • #10
                    رد: و اخيرا ...... هانتعلم الماركت بروفايل

                    up.......................up

                    تعليق


                    • #11
                      رد: و اخيرا ...... هانتعلم الماركت بروفايل

                      مفيش جديد ياصاحبي ولا ايه احنا معانا استاذ هيما على فكرة ربنا يبارك فيه

                      تعليق


                      • #12
                        رد: و اخيرا ...... هانتعلم الماركت بروفايل

                        المشاركة الأصلية بواسطة mbkingdom مشاهدة المشاركة
                        مفيش جديد ياصاحبي ولا ايه احنا معانا استاذ هيما على فكرة ربنا يبارك فيه
                        ربنا يبارك فيه

                        و عامة باقي المنتديات فيها تجاوب

                        تعليق


                        • #13
                          رد: و اخيرا ...... هانتعلم الماركت بروفايل

                          ان شاء المولى انا معاكم بس يارب نفهم فى الاخر
                          انا اسمى مكتوب ......طيب

                          تعليق


                          • #14
                            رد: و اخيرا ...... هانتعلم الماركت بروفايل

                            انا بدات اقرا اللى انت نزلتة علشان يبقى عندنا فكرة عن اللى بنترجمة لان موضوع الترجمة العلمية دة صعب مش سهل اسالنى انا كنت هندسة واسال اخوانا بتوع تجارة انجليزى الموضوع مش تعرف معنى الكلمة من القاموس الموضوع مفاهيم وتعبيرات خاصة بالعلم اللى بنتعلمة يعنى نفس الكلمة تلاقيلها معنى فى علوم الرياضة غير الفيزياء غير علم النفس ودة الصعوبة والتحدى وانا بحب التحدى
                            يعنى مثلا ملف العرض اللى انت واضعة فى المشاركة اللى بصيغة برنامج powerpoint تحس ان اللى عاملة كان بيترجم مقالة مش مادة علمية يعنى انا معرفش حاجة فى شخصية السوق (ترجمة حرفية) بس حاسس انة مترجم زى ما انا ترجمت كلمة market profile ......اوعى تكون انت اللى عملة نبقى جينا نكحلها....
                            انت مبتجيش لية مش تبقى تيجى..

                            تعليق


                            • #15
                              رد: و اخيرا ...... هانتعلم الماركت بروفايل

                              المشاركة الأصلية بواسطة tamertitos مشاهدة المشاركة
                              انا بدات اقرا اللى انت نزلتة علشان يبقى عندنا فكرة عن اللى بنترجمة لان موضوع الترجمة العلمية دة صعب مش سهل اسالنى انا كنت هندسة واسال اخوانا بتوع تجارة انجليزى الموضوع مش تعرف معنى الكلمة من القاموس الموضوع مفاهيم وتعبيرات خاصة بالعلم اللى بنتعلمة يعنى نفس الكلمة تلاقيلها معنى فى علوم الرياضة غير الفيزياء غير علم النفس ودة الصعوبة والتحدى وانا بحب التحدى
                              يعنى مثلا ملف العرض اللى انت واضعة فى المشاركة اللى بصيغة برنامج powerpoint تحس ان اللى عاملة كان بيترجم مقالة مش مادة علمية يعنى انا معرفش حاجة فى شخصية السوق (ترجمة حرفية) بس حاسس انة مترجم زى ما انا ترجمت كلمة market profile ......اوعى تكون انت اللى عملة نبقى جينا نكحلها....
                              انت مبتجيش لية مش تبقى تيجى..
                              شكرا ليك يا معلم و الله فتحت نفسي

                              تعليق

                              يعمل...
                              X